Dress Management — ஒரு வரி ஆலோசகருக்கு எவ்வளவு அவசியம்?

நாம் எந்த மனிதரை முதலில் சந்திக்கிறோமோ, அவரைப் பற்றி உருவாகும் முதல் கருத்து ஆடையிலிருந்தே துவங்குகிறது. அது சரியா தவறா என்பது விவாதத்துகுரியது; ஆனால் அதுதான் நடைமுறையாக இருக்கிறது. . இந்த உண்மையைப் புரிந்து ஆடைமேலாண்மையை (Dress Management) கவனமாகப் பார்க்க வேண்டிய காலம் இது.

 

ஆடை என்பது சமகாலத்தில்  அடையாளம் மட்டுமல்ல; அது ஒரு Statement”

 

ஆடை என்பது

• நம் நிலையை,
• நம் ஒழுங்கை,
• நம் துறைக்கான மரியாதையை,
• நம் சுய கட்டுப்பாட்டை,

வெளிப்படுத்துவதாக இருக்கிறது.  நாம் பேசுவதற்கு முன்பே நம்மை முன் கொண்டு செல்லும் முதல் தூதர் — இதுதான் ஆடை.

இன்றைய உலகில் ஒவ்வொருவரும் நம் செல்கின்ற துறைக்கு ஏற்ப ஆடையை அணிகிறார்கள், மதிக்கிறார்கள், அதனால்தான் “ஆடை அடையாளம்” மிகப் பெரிய பங்கை வகிக்கிறது.

 

ஒரு வரி ஆலோசகருக்கு  ஏன் அவசியம்?

 

வரி ஆலோசகர் என்பது வெறும் கணக்குப் புத்தகங்களைச் சரி பார்க்கும் நபர் அல்ல.
அவர்

 

• வாடிக்கையாளர் நம்பிக்கையை கொண்டிருக்கும் நபர்
• வாடிக்கையாளருக்காக அரசுத் துறையுடன் தொடர்பு கொள்ளும் நிபுணர்
• தொழிலதிபரின் நிதி ரகசியத்தை காக்கும் நம்பகமானவர்.
• தணிக்கையாளர், அதிகாரி, வாதாடுபவர் என எல்லாவற்றின் கலவை

 

இப்படி இருக்கும் நிலையில், அறிவு மட்டும் போதாத காலம் இது.

அறிவு = உள்ளடக்கம்  ஆடை = அதன் அட்டைப்படம்

 

அட்டைப்படம் அழகாக இல்லையெனில், உள்ளடக்கத்தைப் படிப்பவரின் மனதிலும் ஒரு இடைவெளி பிறக்கும். அதை நாம் தவிர்க்க வேண்டாம்.

 

எளிமையான, சுத்தமான, சீரான ஆடை — வரி ஆலோசகருக்கு தொழில் மதிப்பை இரட்டிப்பாக்கும்.

 

அறிவு இருந்தால் போதுமானதா?

 

சமூக உளவியல் ஒன்று சொல்கிறது:  “நாம் யாரை நம்புகிறோமோ, அவர்கள் முதலில் நமக்கு எப்படி தோன்றுகிறார்களோ அதில்தான் 60% முடிவு செய்கிறோம்.”

 

அறிவு என்பது வலுவான மரம். ஆடை என்பது அந்த மரத்தில் மலரும் பூ.
ஆடை என்பது அழகு கூட்டுவது மட்டும் அல்ல, நம்மை சீராகவும், தொழில்முறையாகவும் காட்டும் கருவி.

 

ஆடை எத்தனை அதற்கு அழகூட்டுகிறது?

 

ஒரு நல்ல, சுத்தமான, பொருத்தமான ஆடை:

• நம் உடல்நிலையையும் (posture) மேம்படுத்துகிறது
• நம் மனநிலையையும் வெளிப்படுத்துகிறது
• நம்மை நம்பகத்தன்மையுடன் காட்டுகிறது
• “நான் தயாராக இருக்கிறேன்” என்ற உள் உணர்வை உருவாக்குகிறது
• நம்மை ஒரு professional-ஆக காட்சிப்படுத்துகிறது

 

அறிவின் மேல் அழகு மிதக்காது; ஆடை - அறிவை வெளிச்சமாக காட்டும் விளக்கு.

 

இறுதியாக…

 

ஆடை என்பது பார்வைக்காக மட்டும் அல்ல; ஒரு தொழில்முறை பழக்கம்,
ஒரு சுய மரியாதை, ஒரு நிசப்தமான மொழி.

 

நல்ல ஆடை, நல்ல அறிவை — அதிக நம்பிக்கையோடு, அதிக கவர்ச்சியோடு, அதிக தாக்கத்தோடு இலக்கை அடைய உதவுகிறது.

 

-      இரா. முனியசாமி,

ஜி.எஸ்.டி, வருமானவரி, இபிஎப், இ.எஸ்.ஐ ஆலோசகர்,

எல்.ஐ.சி. முகவர்

📞 95512 91721

Stress Management – ஒரு வரி ஆலோசகருக்கு எவ்வளவு அவசியம்?

வேலை மிகுந்தது பிரச்சினையில்லை; ஒழுங்கின்மைதான் பிரச்சினை.”

— பீட்டர் ட்ரக்கர் - மேலாண்மை நிபுணர்

***

 

மன அழுத்தம் (Stress) என்றால்….  உடலும் மனமும் உள்ள சூழ்நிலையை சமாளிக்க முடியாமல் அழுத்தத்திற்கு தள்ளப்படும் நிலை. சுருங்கச் சொன்னால்: “சாதாரண வேலையின் ரிதம் உடையும் தருணம்.”

 

மன அழுத்தத்தை நிர்வகிப்பது என்றால்…

 

மன அழுத்தம் வரும் தருணங்களை அறிந்து, அவற்றை முறைப்படுத்தி, உடல்–மனம் சமச்சீரை மீண்டும் கொண்டுவரும் நடைமுறை.

“அழுத்தத்தை தள்ளிவிடுவது அல்ல; அதை எப்படித் தாங்கக்கூடிய வடிவமாக மாற்றுவது”

 

ஒரு வரி ஆலோசகருக்கு ஏன் மிகவும் அவசியம்?

 

வரி ஆலோசகனின் தினசரி வாழ்க்கை — காலக்கெடு, தவறில்லா கணக்கு, தணிக்கை (ஆடிட் அல்ல), கோப்புகள், வாடிக்கையாளர் அழுத்தம், மாற்றப்படும் சட்டங்கள், திடீர் நெருக்கடிகள் — இவை அனைத்தும் மன அழுத்தத்திற்கு சரியான “எரிபொருள்”.

 

இதை நிர்வகிக்கவில்லையென்றால்:

• முடிவெடுக்கும் திறன் குலையும்
• பொறுமை குறையும்
• தவறுகளின் வாய்ப்பு உயரும்
• நம்பிக்கையும், தொழிலின் ஒழுங்கும் சீர்கெடும்
• நீண்டகாலத்தில் உடல் பாதிப்புகள்

 

வரி ஆலோசகர் வாழ்க்கைக்கான சரியான நடைமுறை (Stress Management)

 

1.       1. துல்லியமான வேலை ரிதம் அமைத்தல்

 

• காலை முதல் இரவு வரை செய்யும் பணிகளை மூன்று தொகுதிகளாகப் பிரியுங்கள்.  *முக்கியம் – உடனடி – காத்திருக்கலாம்*
• தினசரி 10 நிமிடத் திட்டமிடல் அழுத்தத்தை 40% குறைக்கும்.

 

2. எல்லை வரையறை (Boundary Setting)

 

• வாடிக்கையாளர்களுக்கான தெளிவான தொடர்பு நேரம்
• விடுமுறை நாட்களில் டிஜிட்டல் ஓய்வு
• "இப்போது முடியாது, நாளை" என்று சொல்லும் திறன

• 
  
• 3.       உடல் ஒழுங்கு

 

• 20 நிமிட நடை
• சுவாசப் பயிற்சி 5 நிமிடம்
  அதிக செலவு பயிற்சி தேவையில்லை; ரிதமுள்ள மூச்சே முதலில் போதும்.

 

4. கோப்பு – தகவல் மேலாண்மை

 

• ஒவ்வொரு வாடிக்கையாளருக்கும் ஒரே மாதிரி தரவு ஒழுங்குப்படுத்துதல்.
• கடைசி தேதிக்கு 10 நாட்களுக்கு முன் “தணிக்கை தயார்” என்ற நிலையை சரிபார்க்கும் பழக்கம்

 

5.       உணர்ச்சி ரீதியான சுயபாதுகாப்பு

 

• தவறுகளை தன்மீது சுமையாக எடுக்காத பழக்கம்
• நம்பகமான நபர்/நபர்களுடன் தேவையான பொழுது தொழில்–உணர்ச்சி பகிர்வு
• “எல்லாவற்றையும் நான் மட்டுமே செய்ய வேண்டும்” என்ற எண்ணத்தை கைவிடுதல் வேண்டும்.

 

முடிவாக…

 

வரி ஆலோசகரின் தொழில் — தூக்கம், எழுதல், சுமை, கோப்பு, கணக்கு, காலக்கெடு என்று ஓடும் வாழ்வு.

 

இந்த ஓட்டம் தொடர வேண்டுமெனில், ஸ்ட்ரெஸ் மேனேஜ்மென்ட் ஒரு தேர்வு அல்ல; தொழில் வாழ்நாளை நீட்டிக்கும் பாதுகாப்புக் காப்பு.

 

அழகான, ரிதமுள்ள தொழில் வாழ்க்கை வேண்டும் எனில்:
“உழைப்பு சமநிலையில் இருந்தால், மனமும் தொழிலும் தழைத்தோங்கும்”

 

-          

-      இரா. முனியசாமி,

ஜி.எஸ்.டி, வருமானவரி, இபிஎப், இ.எஸ்.ஐ ஆலோசகர்,

எல்.ஐ.சி. முகவர்

📞 95512 91721