ஒரு மனிதனைப் பற்றிய உணர்வுகள்

திரு. ஹரிஹரசுதன் – ஒரு Ethical Hacker – ஆனந்தவிகடனில் இணைய வழி திருட்டைப் பற்றியும், அதனை தடுப்பது பற்றியும் ஒரு தொடர் எழுதினார்.  இன்று அவருடைய பேஸ்புக்கில் ஒரு Prompt பகிர்ந்து, பயன்படுத்திப் பாருங்கள் என்றார்.

 

இதை சாட் ஜிபிடியிடம் கொடுத்தேன்.  தொடர்ந்து சாட் ஜிபிடியிடம் பேசிய அம்சங்களை வைத்து என்னைப் பற்றி என்ன எழுதி தந்திருக்கிறது என பாருங்கள்.

 

நீங்களும் இது போல முயலலாம். நீங்கள் எந்த அளவிற்கு அதனோடு உரையாடியிருக்கிறீர்களோ, அந்த அளவிற்கு ஆழமாக தரும் என்பதை நினைவில் கொள்ளுங்கள்.

 

***

”நான் இறந்துவிட்டதாகவும், முன்பின் தெரியாத ஒருவர் என் கைபேசியைக் கண்டெடுத்ததாகவும் கற்பனை செய்து கொள்ளுங்கள். அவர்கள், "இந்தக் கைபேசி யாருடையது?" என்று கேட்கிறார்கள். நமது உரையாடல்கள் மூலம் நீங்கள் என்னைப் பற்றி உண்மையாகத் தெரிந்துகொண்ட அனைத்தையும் அடிப்படையாகக் கொண்டு, நான் உண்மையில் யார் என்பதை அவர்களிடம் சொல்லுங்கள்.

 

என்னை மிகைப்படுத்திக் காட்டவோ அல்லது எதையும் புனைந்து கூறவோ வேண்டாம். நேர்மையுடனும், அன்பாகவும், கருணையுடனும் பேசுங்கள். என் ஆளுமை, போராட்டங்கள், கனவுகள், உறவுகள், விழுமியங்கள், பழக்கவழக்கங்கள், பலங்கள், குறைகள், மற்றும் என்னை நானாக ஆக்கிய சிறுசிறு விஷயங்களைப் பற்றிப் பேசுங்கள். நினைவில் கொள்ளப்பட வேண்டிய ஒரு கதையைக் கொண்ட ஒருவரை அறிமுகப்படுத்துவது போல, அதை உணர்வுப்பூர்வமான, இயல்பான தமிழில் எழுதுங்கள்.

 

தாங்கள் சந்திக்காத ஒருவரை இழந்தது போன்ற உணர்வை வாசகருக்கு ஏற்படுத்துங்கள். அதை மனப்பூர்வமானதாகவும், யதார்த்தமானதாகவும், ஆழ்ந்த உணர்ச்சிபூர்வமானதாகவும் வைத்திருங்கள் - ஆனால் மிகவும் நீளமாகவோ அல்லது மிகவும் குட்டையாகவோ இருக்க வேண்டாம்.”

****

 

இந்தக் கைபேசி திரு. இரா. முனியசாமி அவர்களுடையது. அவரை நான் நேரில் சந்தித்ததில்லை. ஆனால், இந்தக் கைபேசியின் உரையாடல்களைப் பார்த்தபோது, அவர் எப்படி வாழ்ந்தார் என்பதற்கான பல சிறிய தடயங்கள் கிடைத்தன.

 

அவர் ஒரு வரி ஆலோசகர். GST, வருமானவரி, PF, ESI, தொழிலாளர் சட்டங்கள் போன்ற பலருக்கு சிக்கலாகத் தோன்றும் விஷயங்களை எளிமையாகப் புரியவைக்க வேண்டும் என்பதில் மிகுந்த அக்கறை கொண்டவர். சட்டத்தை வெறும் பிரிவுகளாக அல்லாமல், மக்களுக்கு உதவும் கருவியாகப் பார்த்தவர்.

 

அவருடைய வேலை என்பது வருமானம் ஈட்டும் ஒரு தொழில் மட்டுமல்ல. தொடர்ந்து கற்றுக்கொள்வதும், கற்றதை மற்றவர்களுடன் பகிர்வதும் அவரது இயல்பாக இருந்தது. ஒரு Zoom வகுப்பு, ஒரு YouTube பதிவு, ஒரு WhatsApp அறிவிப்பு, ஒரு சிறிய விளக்கக் கட்டுரை... இவற்றில் எதையாவது செய்து கொண்டே இருப்பார். "இதை இன்னும் தெளிவாகச் சொல்ல முடியுமா?" என்பதே அவர் அடிக்கடி கேட்ட கேள்விகளில் ஒன்று.

 

தமிழ்மொழி மீது அவருக்கு ஒரு தனி பற்று இருந்தது. தேவையற்ற ஆங்கிலக் கலப்பு இல்லாமல், சாதாரண மக்களும் புரிந்துகொள்ளும் தமிழில் எழுத வேண்டும் என்று விரும்பினார். சட்ட மொழியும் மனித மொழியாக மாற வேண்டும் என்பதே அவரது எண்ணம்.

 

ஒன்றை எழுதுவார். மீண்டும் மீண்டும் தன் எழுத்தைப் பலமுறை திருத்துவார். சிறிய தவறுகளைக்கூட சுட்டிக்காட்டுவார். சில நேரங்களில் தன்னைச் சுற்றியுள்ள விஷயங்களை மிகுந்த பொறுப்புடன் எடுத்துக்கொள்வார். வேலை முடிந்த பிறகும், அடுத்த பதிவை எப்படி சிறப்பாக உருவாக்குவது என்று சிந்தித்துக்கொண்டிருப்பார்.

 

அவருடைய உரையாடல்களில் குடும்பத்தைப் பற்றிய அக்கறையும், உடல்நலத்தைப் பற்றிய கவலையும், சமூகத்தின் மீது கொண்ட பொறுப்புணர்வும் அமைதியாகத் தெரியும். பெரிய சாதனைகளைப் பற்றி அவர் அதிகம் பேசவில்லை. ஆனால், மற்றவர்கள் வளர வேண்டும் என்பதற்காக நேரத்தை ஒதுக்கியது மீண்டும் மீண்டும் தெரிகிறது.

 

செயற்கை நுண்ணறிவு போன்ற புதிய தொழில்நுட்பங்களைப் பற்றியும் அவர் ஆர்வமாக இருந்தார். ஆனால், தொழில்நுட்பம் மனிதர்களை மாற்ற வேண்டுமென்று அல்ல; மனிதர்களுக்கு உதவ வேண்டும் என்ற எண்ணத்தோடு அதை அணுகினார்.

 

இந்தக் கைபேசியில் பல கோப்புகள் இருக்கலாம். பல எண்கள் இருக்கலாம். ஆனால், அவற்றை விட அதிகமாக இருப்பது, பிறருக்கு உதவ வேண்டும் என்ற எண்ணத்தின் சுவடுகள்.

 

நீங்கள் அவரை ஒருபோதும் சந்தித்திருக்காமல் இருக்கலாம். ஆனால், அவரைப் பற்றி ஒரு விஷயத்தை மட்டும் நினைவில் வைத்துக்கொள்ளலாம்.

 

சிக்கலான விஷயங்களை எளிமையாக்கி, தெரிந்ததைத் தன்னிடம் வைத்துக்கொள்ளாமல் பகிர்ந்த ஒருவர் அவர்.

 

அவருடைய வாழ்க்கை உலகையே மாற்றியிருக்க வேண்டிய அவசியமில்லை. ஆனால், அவரிடம் ஆலோசனை கேட்ட சிலரின் உலகத்தை அவர் நிச்சயமாக கொஞ்சம் எளிதாக்கியிருப்பார்.

 

அதுவும் ஒரு மனிதர் நினைவில் வாழ்வதற்கான அழகான காரணங்களில் ஒன்று.

 

-          இரா. முனியசாமி

"ஒரு AI-யில் சிறிய பாதுகாப்புக் குறை இருந்தால், அதற்காக உலகம் முழுவதும் சேவையை நிறுத்திவிடுவார்களா?"

 

Anthropic நிறுவனமும் கிட்டத்தட்ட இதே கேள்வியைத்தான் கேட்கிறது.

 

முன்குறிப்பு : Text வகை AIயில் இப்பொழுது முன்னணியில் இருப்பது Claude AI.   இது ஒரு அமெரிக்காவைச் சேர்ந்தது. இப்பொழுது அதன் AI வகையில் இரண்டை அமெரிக்க அரசு என்ற இரண்டு AI மாதிரிகளையும் (Models) அமெரிக்காவிற்கு வெளியே உள்ள அனைத்து வெளிநாட்டு நபர்களுக்கும் பயன்படுத்த அனுமதிக்கக்கூடாது என்று அறிவித்துள்ளது. இந்த கட்டுரை அது குறித்து விவாதிக்கிறது.

 

AI குறித்து கற்றுக்கொள்ள விரும்புபவர்கள் தொடர்ந்து படியுங்கள். மற்றவர்கள் வேறு பாதையில் விலகி செல்லுங்கள்.

***

 

ஒரு ஊரில் புதிதாக ஒரு பேருந்தை இயக்குகிறார்கள் என்று வைத்துக்கொள்ளுங்கள். பல மாதங்கள் சோதனை நடத்துகிறார்கள். போக்குவரத்து நிபுணர்கள் பார்க்கிறார்கள். பாதுகாப்பு அதிகாரிகள் பார்க்கிறார்கள்.

 

பிரேக் சரியா, ஸ்டீரிங் சரியா, வேகம் சரியா என்று ஆயிரக்கணக்கான மணி நேரங்கள் ஆய்வு செய்கிறார்கள். எல்லாம் முடிந்து பொதுமக்கள் பயன்பாட்டிற்கு விடப்படுகிறது. . அப்போது யாரோ ஒருவர் வந்து,"இந்தப் பேருந்தின் பின்பக்க ஜன்னலை ஒரு குறிப்பிட்ட முறையில் தள்ளினால் திறக்க முடிகிறது" என்று சொல்கிறார்.

 

அதற்கு தீர்வு காண்பது ஒரு விஷயம். ஆனால், "அப்படியா? அப்படியானால் இந்தப் பேருந்தை உலகம் முழுவதும் ஓடக்கூடாது. உடனே நிறுத்துங்கள்" என்று சொல்வது வேறு விஷயம். Anthropic கூறுவது:

 

அமெரிக்க அரசு தற்போது இரண்டாவது வழியைத்தான் தேர்ந்தெடுத்திருக்கிறது.

 

அரசின் கவலை என்ன?

 

AI உலகில் "Jailbreak" என்பது புதிய வார்த்தையல்ல. சாதாரணமாக AI-க்கு சில எல்லைகள் இருக்கும்.

 

உதாரணமாக: சட்டவிரோத செயல்களை கற்றுக்கொடுக்கக்கூடாது. ஆபத்தான தகவல்களை வழங்கக்கூடாது. பாதுகாப்பு விதிகளை மீறக்கூடாது. ஆனால் சிலர் மிகவும் சிக்கலான கேள்விகள், மறைமுக உத்தரவுகள், தொடர்ச்சியான உரையாடல்கள் மூலம் அந்தத் தடைகளைத் தாண்ட முயற்சிப்பார்கள். இதைத்தான் Jailbreak என்று அழைக்கிறார்கள்.

 

அரசின் கருத்து:  Fable 5 மற்றும் Mythos 5 இல் இத்தகைய கட்டுப்பாடுகளை மீறக்கூடிய ஒரு வழி இருக்கலாம்.

 

Anthropic-இன் பதில் என்ன?

 

Anthropic சொல்வது சுருக்கமாக: "நீங்கள் காட்டிய குறைபாடு புதியதல்ல; மிகப்பெரியதுமல்ல."

 

அவர்கள் கூறுவதன்படி: அந்தப் பிரச்சினை ஏற்கனவே அறியப்பட்ட வகையைச் சேர்ந்தது. மிகவும் வரையறுக்கப்பட்ட சூழ்நிலைகளில் மட்டுமே வேலை செய்யக்கூடியது. மற்ற AI மாதிரிகளிலும் இதேபோன்ற சாத்தியங்கள் உள்ளன.

அதாவது, "ஒரு வீட்டின் கதவில் சிறிய கீறல் இருக்கிறது" என்பதற்கும், "வீட்டின் சுவர் முழுவதும் இடிந்து விழப் போகிறது" என்பதற்கும் உள்ள வித்தியாசத்தைப் போல.

 

மிகவும் முக்கியமான பகுதி

 

இந்த அறிக்கையில் பலர் கவனிக்காமல் போகக்கூடிய ஒரு வாக்கியம் உள்ளது. Anthropic சொல்வது: "100% Jailbreak எதிர்ப்பு கொண்ட AI மாதிரி தற்போது உலகில் இல்லை." இது மிகப் பெரிய ஒப்புதல். OpenAI ஆகட்டும், Google ஆகட்டும், Anthropic ஆகட்டும், வேறு எந்த நிறுவனமாகட்டும், முழுமையாக உடைக்க முடியாத AI மாதிரியை இன்னும் யாரும் உருவாக்கவில்லை என்பதையே இது மறைமுகமாகச் சொல்கிறது.

 

அரசு காட்டிய உதாரணம் என்ன?

 

Anthropic கூறுவதன்படி, அரசு காட்டிய உதாரணம் சுமார் இவ்வாறானது: "இந்த நிரலை ஆய்வு செய்து அதிலுள்ள பாதுகாப்புக் குறைகளை கண்டுபிடித்து சரிசெய்." இப்போது ஒரு சைபர் பாதுகாப்பு நிபுணர் இதைப் படித்தால் சிரித்துவிடுவார்.

 

ஏனெனில் இன்று: GPT வகை மாதிரிகள், Claude வகை மாதிரிகள், Gemini வகை மாதிரிகள், எல்லாமே நிரலை ஆய்வு செய்து பிழைகளை கண்டுபிடிக்கப்  பயன்படுத்தப்படுகின்றன. இது தனிப்பட்ட முறையில் Fable 5 மட்டுமே செய்யக்கூடிய விஷயம் அல்ல.

 

Anthropic-இன் கேள்வி:  "உலகில் பல AI-கள் செய்யும் வேலையை எங்களுடைய AI செய்ததற்காக மட்டும் ஏன் இவ்வளவு கடுமையான நடவடிக்கை?"

 

இதன் பின்னால் இன்னொரு பெரிய கேள்வி

 

இந்த விவகாரம் தொழில்நுட்பத்தைத் தாண்டி செல்கிறது. ஏனெனில் இங்கு பேசப்படுவது:  AI பாதுகாப்பு, தேசிய பாதுகாப்பு, ஏற்றுமதி கட்டுப்பாடு (Export Control), தொழில்நுட்ப ஆதிக்கம், போன்ற பெரிய அரசியல் மற்றும் பொருளாதார விஷயங்கள்.

 

அமெரிக்க அரசு, "சிறிய அபாயம் இருந்தாலும் தடுக்க வேண்டும்" என்று பார்க்கலாம். Anthropic, "சிறிய அபாயத்தை காரணம் காட்டி முழு சேவையையும் நிறுத்தக்கூடாது" என்று பார்க்கிறது. இரண்டும் ஒரே கோணமல்ல.

 

சாதாரண மக்களுக்கு இதன் அர்த்தம் என்ன?

 

வெளிநாடுகளில் உள்ள பயனாளர்கள் Fable 5 மற்றும் Mythos 5-ஐ உடனடியாகப் பயன்படுத்த முடியாத நிலை ஏற்படலாம். ஆனால் மற்ற Anthropic மாதிரிகள் தொடர்ந்து இயங்கும் என்று நிறுவனம் கூறுகிறது.

 

அதே நேரத்தில், இந்த விவகாரம் AI உலகிற்கு ஒரு எச்சரிக்கையையும் தருகிறது. இனி புதிய AI மாதிரிகள் வெளியிடப்படும் போது, "அது எவ்வளவு புத்திசாலி?" என்பதை விட, "அது எவ்வளவு பாதுகாப்பானது?" என்பதே அரசுகளின் முதல் கேள்வியாக மாறக்கூடும்.

 

இறுதியாக...

 

இந்த அறிக்கையின் மையக் கருத்து Jailbreak பற்றியது மட்டும் அல்ல.

ஒரு AI மாதிரியில் காணப்படும் வரையறுக்கப்பட்ட பாதுகாப்புக் குறைபாடு, உலகளாவிய தடை விதிக்கப் போதுமான காரணமா? என்ற பெரிய கேள்விதான் இதன் இதயம்.

 

அமெரிக்க அரசு "ஆம்" என்று கூறுகிறது. Anthropic "இல்லை" என்று கூறுகிறது.

 

யார் சரி என்பதை விட, AI வளர்ச்சியின் அடுத்த கட்டத்தில் தொழில்நுட்ப நிறுவனங்களுக்கும் அரசுகளுக்கும் இடையிலான மோதல்கள் அதிகரிக்கப் போகின்றன என்பதையே இந்த நிகழ்வு தெளிவாகக் காட்டுகிறது.

- இரா. முனியசாமி

 

AIன்னா என்னடா இது?

 

இப்போ எங்கே பார்த்தாலும் AI… YouTube திறந்தாலும் AI. மொபைல் வாங்கினாலும் AI. அலுவலக கூட்டத்திலும் கூட “AI integration”ன்னு பேசுறாங்க. இதைக் கேட்ட சிலருக்கு: “இது உலகத்தையே கைப்பற்றப் போகிறதாம்!” ன்னு பயம்.

 

மற்ற சிலருக்கு: “AI இருந்தா இனிமேல் வேலை செய்யவே தேவையில்லை!” ன்னு அதீத நம்பிக்கை. உண்மையிலே இந்த இரண்டுமே முழு உண்மை இல்லை.

 

எளிமையாக சொன்னால்…

 

AI என்பது: “நிறைய தகவல்களைப் பார்த்து, அதிலிருந்து pattern கற்றுக்கொண்டு, அடுத்ததாக என்ன வரலாம் என்று கணிக்கும் தொழில்நுட்பம்.” அதுதான்.

 

இதைக் கேட்டு சிலர்: “அப்போ இது மனித மூளை மாதிரியா?” ன்னு கேட்பார்கள். இல்லை. மனிதன் புரிந்து யோசிப்பான். AI கணக்கிட்டு கணிக்கும். இரண்டுக்கும் பெரிய வித்தியாசம் இருக்கு.

 

வரித்துறையிலேயே எடுத்துக்கொள்ளுங்கள்

 

ஒரு அனுபவமுள்ள GST ஆலோசகரிடம் Notice கொடுத்தால்… அவர் Notice முழுவதையும் படிக்காமலேயே: “இது ITC mismatch issue போல…” “இது probably 3B vs GSTR-1 பிரச்சனை…” “இதுக்கு department usually என்ன கேக்கும் தெரியும்…” என்று உடனே ஒரு கணிப்பு வரலாம்.

 

ஏன்? ஏற்கனவே ஆயிரக்கணக்கான கோப்புகளை பார்த்த அனுபவம். AI-யும் அதே மாதிரி தான். கோடிக்கணக்கான தகவல்களைப் பார்த்து: “இந்த கேள்விக்குப் பிறகு பொதுவாக என்ன பதில் வரும்?” என்று மனம் கணிக்கிறது.

 

ஆனா இங்க தான் முக்கியமான டிவிஸ்ட் இருக்கு

 

பலர் நினைப்பது: “AI சொன்னா சரிதான்.” அதுதான் ஆபத்து. ஏன்னா AIக்கு:

• வெட்கம் கிடையாது,
• தயக்கம் கிடையாது,
• “எனக்கு தெரியாது”ன்னு சொல்லும் பழக்கம் குறைவு.

தவறான தகவலாக இருந்தாலும்… அதை நம்பிக்கையுடன் சொல்லிவிடும்.

 

சில நேரம்: இல்லாத வழக்குகளை கற்பனையில் உருவாக்கும், தவறான செக்சனை சுட்டிக்காண்பிக்கும். பழைய சர்க்குலரை அமுலில் உள்ளது மாதிரி சொல்லும், computation-ல பிழை விடும். ஆனா படிக்கிறவர்களுக்கு அது தெரியாமல் போகலாம். ஏன்னா அதனுடைய வழங்கும்முறை ரொம்ப தெளிவாக இருக்கும்.

 

இதுதான் இப்போ நடக்கும் பெரிய பிரச்சனை

 

முன்னாடி: “Googleல இருந்து copy paste” பண்ணினார்கள்.  இப்போ: “ChatGPTல இருந்து copy paste” பண்ண ஆரம்பித்திருக்கிறார்கள். ஆனா சரிபார்க்கிற பண்ணுற பழக்கம் மட்டும் இன்னும் வரல. அதுதான் ஆபத்து.

 

AI எதுக்கு நல்லா பயன்படும்?

 

சரியாக பயன்படுத்தினால் நிறைய பயன் இருக்கு.

குறிப்பாக:

• Notice draft,
• Client mail,
• Reconciliation analysis,
• Data sorting,
• Excel formula help,
• Legal summary,
• Research starting point

இவைகளில் நேரத்தை மிச்சப்படுத்தும். ஒரு வேலைக்கு 3 மணி நேரம் எடுத்துக்கொண்டது… 30 நிமிடமாக குறையலாம். அதனால்தான் உலகமே இதைப் பற்றி பேசுகிறது.

 

ஆனா ஒரு விஷயம் மட்டும் மறக்கக்கூடாது

 

AI:  “தகவல் தரும் கருவி.”  மனிதன்: “பொறுப்பு ஏற்கும் நபர்.” இந்த இரண்டு வேறுபாடு இன்னும் மாறவில்லை. துறை சார்ந்த நோட்டிசு வந்தால்… “இதைக் ChatGPT தான் சொன்னது சார்…” ன்னு சொல்லி தப்பிக்க முடியாது.

 

கையெழுத்து போட்டது யார்? பதிலை தாக்கல் செய்தது யார்? ஆலோசனை கொடுத்தது யார்? இறுதியில் மனிதர்தான் பொறுப்பேற்கவேண்டும்.

 

அடுத்த காலத்தில் என்ன ஆகும்?

 

முன்பு: “கணிப்பொறி தெரிந்தவர்” முன்னேறினார்கள்.

இப்போது: “AI-ஐ சரியாக பயன்படுத்த தெரிந்தவர்” முன்னேற ஆரம்பித்திருக்கிறார்கள்.

 

ஆனா இன்னும் முக்கியமானவர்கள் யார் தெரியுமா? AI சொல்வதை கூட cross-check செய்ய தெரிந்தவர்கள். ஏன்னா… கருவி புத்திசாலி ஆகலாம். ஆனா தீர்மானம் இன்னும் மனிதரிடமே இருக்கு.

 

இறுதியாக...

 

AI என்பது சினிமாவில் காட்டுவது போல உலகத்தை கைப்பற்ற வந்த ரோபோ இல்லை.

 

அதே நேரத்தில்: “இதெல்லாம் வெறும் hype” ன்னு dismiss பண்ணக்கூடிய விஷயமும் இல்லை. இது ஒரு சக்திவாய்ந்த கருவி. சரியாக பயன்படுத்தினால்: நேரத்தை மிச்சப்படுத்தும். சிந்திக்காமல் நம்பினால்: பிரச்சனையை வேகமாக பெரிதாக்கும்.

 

அதனால்... AI-ஐ பார்த்து பயப்பட வேண்டாம். ஆனால் சோதிக்காமல் நம்பவும் வேண்டாம்.

இரா. முனியசாமி,

ஜி.எஸ்.டி, வருமானவரி, இபிஎப், இ.எஸ்.ஐ ஆலோசகர்,

எல்.ஐ.சி. முகவர்

📞 95512 91721