Bou Buttu Bhuta (2025) Odia Horror movie

 

ஒரிசாவின் ஒதுக்குப்புறமான ஒரு கிராமம். ஊரில் யாருக்கு பேய் பிடித்தாலும், அந்த வயதான அம்மாவிடம் அழைத்து வருகிறார்கள். அந்த அம்மாவும் பேயை விரட்டுகிறார். கொடுக்கும் சொற்ப பணத்தை கொண்டு தன் மகனுடன் வாழ்ந்து வருகிறார்.

 

(நாயகனான) மகன் -  ஊரில் குளத்தை குத்தகைக்கு எடுத்து அதில் கிடைக்கும் சொற்பமான மீன்களை ஊரில் விற்று வருகிறார்.  ஊரில் ஒரு மருத்துவரின் மகளோடு காதல் வயப்படுகிறார்.  துபாய்க்கு போய்விடலாமா என்றால், அதற்கும் ஒரு கணிசமான தொகை தேவைப்படுகிறது.

 

ஒரு இரவு நண்பனுடன் ஊர் திரும்பும் பொழுது, பைக் சாவி தொலைந்து போனது என ஒரு பெரிய மரத்தில் ஆணியடித்து  இருந்ததை தற்செயலாக புடுங்க, அவனுக்குள் ஒரு ஆவி உள்ளே புகுந்துவிடுகிறது.

 

அந்த ஆவி பக்கத்து ஊரில் ஒரு பெரிய மனிதரின் மகளை ஒரு ஏழை காதலித்தான் என்பதற்காக, பெண்ணை அப்பனே கொ*ன்று அந்த பழியை அவன் மீது போட்டு, ஒரு பெரிய கும்பல் கொடூ*ரமாக அடித்தே கொ*ன்று விடுகிறது.  அந்த ஆவி எப்ப இவர்களை போ*ட்டுத்தள்ளலாம் என வெ*றியுடன் காத்திருக்கிறது.

 

பிறகு நடப்பது எல்லாம் களேபரம் தான். திடீர் திடீரென ஆடுகள் காணாமல் போகின்றன. கொலைகள் நடக்கின்றன. அந்த அம்மா தன் மகனை ஆவியிடமிருந்து  காப்பாற்ற போராடுகிறார். பிறகு என்ன ஆனது என்பதை சொல்லியிருக்கிறார்கள்.

***

 

யாரோ இருவர் இந்த படத்தை ஆஹோ ஓஹோ என எழுதியன் என் கண்ணில் பட இந்த படத்தை தேடி பிடித்து வைத்திருந்தேன். IMDB யிலும் 7.8 யாக இருந்தது. ஆனால் குறைவான ஆட்கள் தான் வாக்களித்திருக்கிறார்கள்.

 

நம் தமிழ் உலகில் இது மாதிரி படங்களை எடுத்து, எவ்வளவோ முன்னேறி வந்துவிட்டோம். அவர்கள் இப்பொழுது தத்தி, தவழ்ந்து வருகிறார்கள்.

 

அங்கு இந்த படம் ஓரளவு நல்ல வசூலாகியிருக்கிறது.  நாயகன், நாயகி பெரிதாக ஈர்க்கவில்லை. ஆனால்  அந்த நாயகனின் அம்மா ஈர்த்தார். பேய் பிடித்தவரிடம் சமயோசிதமாக நடந்துகொள்வது.  பேய் உள்ளே புகுந்ததாய்,  வீட்டாரை ஆட்டி வைப்பது என நன்றாக செய்திருந்தார்.  மகனை ஏதோ செய்யப்போகிறான் என (அவனும் பேய் ஓட்டுபவன் தான்) கணவனையே தூக்கி மரத்தில் தொங்கவிடுவது எல்லாம்… “வேற லெவல்”

 

யாரும் ஆர்வமாக தேடிப் போய் பார்த்து என்னைத் திட்டாதீர்கள். 

The Day of Jackal (2024) வலைத் தொடர் Spy Crime Thriller

நாயகன் பிரிட்டிஷ் படையில் தூரத்தில் இருந்து துப்பாக்கி சுடுவதில் கை தேர்ந்த ஆள். போர்க்களத்தின் நிலைமையில் கொஞ்சம் மனம் நொந்து, அங்கு ஒரு சம்பவத்தை செய்துவிட்டு, தான் செத்துப் போனதாக தலைமறைவான ஆள்.

 

தன்னுடைய அடையாளத்தை மறைத்து வாழ்கிறான். முக்கிய புள்ளி யாரையாவது போட சொன்னால், திட்டமிட்டு, நேர்த்தியாக செய்துவிடுகிறான். மனைவி, மகனுடன் வாழ்ந்து வருகிறான்.

 

ஒரு ஆளை தூக்க சொல்லி உத்தரவு வருகிறது. கவனமாக செய்துவிடுகிறான். ஆனால் பேசிய பணத்தில் மீதியை தர மறுக்கிறான். அவனை கண்டுபிடித்து போட்டுவிடுகிறான்.

 

மனைவிக்கு  தன் கணவன் அடிக்கடி வெளிநாடு செல்கிறான். என்ன வேலை செய்கிறான்? என்பதில் மனைவிக்கு மட்டுமல்ல அவளின் குடும்பத்துக்கே கவலை வருகிறது. இது அவனுக்கு பெரிய தலைவலியாக இருக்கிறது.

 

ஒரு பெரிய வேலை. பெரிய பணம். இனி இதிலிருந்து மொத்தமாக விலகி நிம்மதியாக வாழலாம் என ஒப்புக்கொள்கிறான். அவனைத் தேடும் பிரிட்டிஷ் போலீஷ் ஒரு பக்கம் அவனை தேடுகிறது.  பெரிய வேலை என்பதால், அதில் சிக்கல்களும் பூதமாய் வெளிவருகின்றன

 

பிறகு என்ன ஆனது என்பதை விறுவிறுப்பாக சொல்லியிருக்கிறார்கள்.

***

 

1970 களில் இந்த தலைப்பில் ஒரு நாவல் எழுதி, அது படமாக்கப்பட்டு பெரிய வெற்றியும் பெற்றிருக்கிறது.  அதை மீண்டும் வெப் சீரிஸாக எடுத்திருக்கிறார்கள்.   முதல் படத்தின் தரத்தை, இப்பொழுதும் காப்பாற்றியிருக்கிறார்கள்.  ஒரு வார்த்தை கூடுதலாக இல்லை. ஒளிப்பதிவு, காட்சிகள், நடிப்பு எல்லாம் நேர்த்தியாக செய்திருக்கிறார்கள்.

 

திரைக்கதை அமைத்த, எடுத்த விதத்தில் போட்டுத்தள்ளுகிற ஒரு ஆளை நம்மை ”ரசிக்க” செய்துவிட்டார்கள் எனலாம். இதற்காக, துரத்துகிற போலீசையும் வலுவில்லாமல் செய்தது ஒரு மைனஸ்.   இருந்தாலும் அந்த போலீசாக நடித்த நாயகி ஈர்க்கிறார்.  மொத்த சீரிசையும் தாங்குவது நாயகன் தான்.  இரண்டாவது சீரிஸ் வரும் என படத்திலேயே சொல்லியிருக்கிறார்கள். ஆவலுடன் எதிர்பார்க்கிறேன்.

 

நாயகன் Eddie Redmayne ஐ ஹாரி பார்ட்டர் படங்களுக்கு பிறகு வந்த இரண்டு பாகங்களில் பார்த்திருக்கிறேன். இவர் Stephen Hawking யாக நடித்த  ஒரு படம் சிறந்தது என கேள்விப்பட்டுள்ளேன். பார்க்கவேண்டும்.

 

Hot star ல் தமிழிலேயே இருக்கிறது. திரில்லர் ரசிகர்களுக்கு நிச்சயம் பிடிக்கும் பலரும் ஏற்கனவே பார்த்திருப்பீர்கள். நான் பார்த்தது தான் தாமதம். பாருங்கள்.

Crime 101 (2026) Crime Thriller

நாயகன் வைரங்களை வியாபாரிகள் நகர்த்தும் பொழுது, அதை ரகசியமாக தெரிந்துகொண்டு, சத்தமின்றி, ரத்தமின்றி கொள்ளையடித்து வருகிறார். ஒருமுறை கொஞ்சம் சொதப்பியதால், மயிரிழையில் தப்பிக்கிறார்.  ஒரு பெண்ணை விரும்புகிறார். இவரின் ரகசிய நடவடிக்கையால், காதலி ஒதுங்குகிறார்.

 

ஒரு போலீசு அதிகாரி  தொடர் கொள்ளைகளில் உள்ள ஒற்றுமையை அறிந்து நாயகனின் இயல்பை சொல்கிறார். ஏற்கனவே முடித்து வைக்கப்பட்ட கொள்ளை வழக்குகளை நீ உள்ளே புகுந்து குழப்பாதே! என்கிறார் மேலதிகாரி. ஒரு அதிகாரி ஒரு நிகழ்வில் தவறிழைக்க, அதை மறைக்க உதவ மறுக்க, இவர் தற்காலிகமாக வேலை நீக்கம் (Suspend) செய்யப்படுகிறார்.

 

ஒரு காப்பீடு நிறுவனத்தில் வேலை செய்யும் நடுத்தர வயது பெண் ஊழியரை தொடந்து தன் நிறுவனத்தில் தக்க வைப்பதற்காக பார்ட்னராக இணைத்துக்கொள்கிறேன் என சொல்லிக்கொண்டே ஏமாற்றிவருகிறார்கள்.  ஒரு கட்டத்தில் நிர்வாகம் ஏமாற்றுகிறது என உணர்கிறார்.

 

ஒரு பெரிய பணக்காரர் தன்னுடைய  பெரிய நிகழ்வில் நிறைய பணமும், வெளியூரில் இருந்து ரத்தினங்களும் கொண்டு வரப்படுகின்றன. இதில் நாயகன், போலீசு அதிகாரி, இன்சூரன்ஸ் பெண் அதிகாரி என எல்லோரும் ஒன்றிணைகிறார்கள்.  பிறகு என்ன ஆனது என்பதை விறுவிறுப்பாக சொல்லியிருக்கிறார்கள்.

 

***

 

இளம் பருவம் தான் ஏழ்மையில் தொலைத்துவிட்டோம்.  இனி வசதியான வாழ்வு வாழவேண்டும். போலீசிடம் மாட்டிவிடவே கூடாது என நினைக்கும் நாயகன் (Avenger - Thor நாயகன்) Chris Hemsworth,  வேலையிலும் நினைத்த மாதிரி செயல்படவில்லை. மனைவியும் இப்பொழுதும் தன்னுடன் இல்லை என வெறுத்துப் போகிற அதிகாரியாக  (Avenger – Hulk நாயகன்) Mark Alan Ruffalo,  தான் வேலை செய்த நிறுவனம் தன்னை நம்ப வைத்து கழுத்தறுத்துவிட்டது என பொருமும் பாத்திரமாக  (X men – Storm நாயகி) Halle Maria Berry தான் படத்தை தாங்குகிறார்கள்.

மெல்ல மெல்ல படம் நகருகிறது. இடைவேளைக்கு பிறகு கொஞ்சம் வேகமெடுக்கிறது எனலாம்.   காட்சிகளாக நகராமல், பாத்திரங்களின் மனநிலையை நன்றாக காண்பித்திருந்தார்கள்.  நாவலை அடிப்படையாக வைத்து எடுத்ததாக இருக்கலாம்.

 

பெரிய எதிர்ப்பார்ப்பில்லாமல் பாருங்கள்.  உங்களுக்கும் பிடிக்கலாம். பிரைமில் தமிழில் இருக்கிறது.  

One Piece Monkey D Luffy - தலைவன்

ஒன் பீஸை (பெரும் புதையல்) தேடுவது தான் லட்சியம். அவனுடைய இயல்பு கொஞ்சம் லூசு போல தெரிந்தாலும், தலைமைப் பண்புகளோடு இருக்கிறது. அவனுடைய தலைமையை யாரும் துவக்கத்தில் ஏற்பதில்லை. ஆனால் அவனுடைய நம்பிக்கைகுரிய செயல்பாடுகளால், அவன் தலைமையை ஏற்கிறார்கள். குழுவாகிறார்கள்.

 

எனக்கு கடந்த இரண்டு சீசன்களாகத் தான் லுபியை தெரியும். சாட் ஜிபிடி நிறைய தெரிந்து வைத்திருக்கும் என்ற நம்பிக்கையில் அதனிடம் கேட்டால், தொகுத்து சொல்லியிருக்கிறது. படித்துப் பாருங்கள். லுபியை உங்களுக்கும் பிடித்துப் போகலாம்.

 

****

 

One Piece தொடரில் Monkey D. Luffy ஒரு சாதாரண ஹீரோவாக அல்ல, இயல்பாகவே உருவாகும் தலைவராக காட்டப்படுகிறார். இது “அதிகாரம்” மூலம் அல்ல; “நம்பிக்கை + செயல்கள்” மூலம் உருவான தலைமை.

அவரை ஒரு தலைவனாக மாற்றும் முக்கிய அம்சங்கள் கீழே:

 

1. தெளிவான இலக்கு (Clear Vision)

 

லுபியின் ஒரே குறிக்கோள் — Pirate King ஆக வேண்டும்.
இது வெறும் ஆசை அல்ல; எந்த சூழ்நிலையிலும் மாறாத உறுதி.

 

தலைமைப் பார்வை:

ஒரு தலைவருக்கு தன்னுடைய திசை தெளிவாக இருக்க வேண்டும். லுபி அதில் ஒருபோதும் குழம்புவதில்லை.

 

2. மனிதர்களை நம்பும் திறன் (Trust in Team)

 

அவர் குழுவினரை “கீழ்நிலையினர்” என்று பார்க்கவில்லை.
ஒவ்வொருவரையும் முழுமையாக நம்புகிறார் (Zoro, Nami, Sanji…).

 

உதாரணம்:

ஒரு விஷயத்தில் தானே தெரியாவிட்டால், அதை அந்த உறுப்பினரிடம் விட்டுவிடுகிறார்.

 

தலைமைப் பார்வை:

Micromanagement இல்லாமல், பொறுப்பை பகிரும் திறன்.

 

3. முன் நின்று போராடும் மனப்பாங்கு (Lead from the Front)

 

எந்த அபாயமான சூழ்நிலையிலும் முதலில் குதிப்பவர் லுபி தான்.

 

தலைமைப் பார்வை:

பாதுகாப்பான இடத்தில் இருந்து கட்டளை கொடுப்பவர் அல்ல;
முன்னிலையில் இருந்து செயல் காட்டும் தலைவர்.

 

4. நண்பர்களுக்காக எல்லாம் தியாகம் செய்யும் தன்மை (Sacrifice)

 

அவருடைய குழுவினருக்காக உயிரையே பணயம் வைக்க தயார்.

உதாரணம்:

Enies Lobby, Marineford போன்ற இடங்களில் அவர் எடுத்த முடிவுகள்.

தலைமைப் பார்வை:

“People-first” அணுகுமுறை — குழுவின் நலன் முதன்மை.

 

5. எளிமையான சிந்தனை (Simple but Strong Thinking)

 

லுபி சிக்கலான திட்டங்களை அதிகம் யோசிப்பதில்லை. ஆனால் அவர் முடிவுகள் நேரடியானவை, மனசாட்சியுடன் கூடியவை.

 

தலைமைப் பார்வை:

சில நேரங்களில் அதிக பகுத்தறிவு அல்ல; தெளிவான நியாய உணர்வு தான் முக்கியம்.

 

6. பயமின்மை (Fearlessness)

 

அவர் யாரையும் பார்த்து பயப்படுவதில்லை — Shichibukai, Yonko, World Government என எதுவாக இருந்தாலும்.

தலைமைப் பார்வை:

அதிகாரத்தை விட, நியாயத்தை முன்னிலைப்படுத்தும் துணிவு.

 

7. மக்களை ஈர்க்கும் இயல்பு (Natural Influence)

 

லுபி யாரையும் force செய்து தன்னுடன் சேர வைப்பதில்லை. ஆனால் அவரை பார்த்து மக்கள் தானாகவே சேர்கிறார்கள்.

தலைமைப் பார்வை:  Influence என்பது பதவி மூலம் அல்ல; தனிப்பட்ட குணாதிசயங்களால் உருவாகும்.

 

8. தோல்விக்குப் பிறகும் எழும் மனவலம் (Resilience)

 

அவர் பல முறை தோல்வி அடைகிறார். ஆனால் ஒவ்வொரு முறை மேலும் வலிமையாக திரும்பி வருகிறார்.

தலைமைப் பார்வை: 

தோல்வி = முடிவு அல்ல; மேம்பாட்டிற்கான நிலை.

 

சிறிய கருத்து (துறை சார்ந்த பார்வை)

 

ஒரு தொழில்முறை உலகில், லுபியின் தலைமை பாணி “Control-based leadership” அல்ல;   “Trust-based leadership”.

 

இறுதியாக...

லுபி ஒரு “பதவி பெற்ற தலைவர்” அல்ல. அவரைச் சுற்றியுள்ளவர்கள் அவரை தலைவராக ஏற்றுக்கொள்வதால் தான் அவர் தலைவர்.

 

அதுவே உண்மையான தலைமை — அதிகாரம் இல்லாமலே வழிநடத்தும் திறன்.

The Young Sherlock (2026) அருமையான துப்பறியும் தொலைக்காட்சி தொடர்

மாணவ பருவத்தில் ஷெர்லாக். ”களவையும் கற்று மற” என்பதின் படி, பர்சை திருடி, அவர்களிடமே திரும்ப வைக்கும் பொழுதோ, கொடுக்கும் பொழுதே மாட்டிக்கொள்கிறார்.  சிறைத் தண்டனை கிடைக்கிறது.

 

அரசு பதவியில் இருக்கும் உடன் பிறந்த அண்ணன், தன் செல்வாக்கைப் பயன்படுத்தி, சிறையில் இருந்து விடுவதித்து ஷெர்லாக்கை படிக்க வைக்கிறேன் என நைசாக அழைத்துப் போய் ஆக்ஸ்போர்டு பல்கலை கழகத்தில் வேலை செய்ய வைக்கிறார்.

 

அவருடைய ஆர்வத்தில் வேலை செய்துகொண்டே கற்றும்கொள்கிறார். அங்கு ஒரு மதிப்புமிக்க பொருள் திருடு போகிறது. ஏற்கனவே திருடன் பட்டம் இருக்கும் ஷெர்லாக் மீது பழி விழிகிறது.  அங்கு படிக்கும் (பின்னாளில் புத்திசாலி எதிரியான) மோரியாரிட்டி அவருக்கு பலவிதத்தில் உதவுகிறான். அங்கிருக்கும் பேராசிரியர்கள் ஒவ்வொருவராக கொலைச்செய்யப்படுகிறார்கள்.

 

இந்த கொலைகள் ஏன் என தொட்டுத் தொட்டு துப்பறிந்து, மல்லுக்கட்டி,  அது மனித உயிரைக் கொல்லும் ஒரு பெரிய வணிகத்தின் பின்னால் போய் நிற்கிறது.  அதில் ஷெர்லாக் குடும்பத்திற்குள்ளேயே ஒரு வில்லன் இருக்கிறான்.

 

பிறகு என்ன ஆனது என்பதை விறுவிறுப்பாக சொல்லியிருக்கிறார்கள்.

 

***

ஷெர்லாக் குறித்து  Arthur Conan Doyle எழுதியது 4 நாவல்கள். 58 சிறுகதைகள் கதைகள். (இன்னும் சில ஒரிஜினல்கள் என வாதிப்பவர்களும் இருக்கிறார்கள்.) அதன் பிறகு எடுக்கப்பட்ட படங்கள், சீரிஸ்கள், தொலைக்காட்சி படங்கள் நிறைய.   ஷெர்லாக் பாத்திரத்தின் தாக்கத்தில் உலகம் முழுவதும் எடுக்கப்பட்ட படங்களின் எண்ணிக்கைகளும் கணக்கில் அடங்காது.  இதில் தமிழில் மிஷ்கினின் துப்பறிவாளன் உட்பட அடங்கும்.

 

மாணவப் பருவ ஷெர்லாக் கதைகள் இதுவரை படமாக இல்லை என்றே சொல்கிறார்கள். இந்த தொலைக்காட்சி சீரிஸ் ஒரு நல்ல தொடக்கமாக இருக்கிறது. ஆக்ஸ்போர்டில் துவங்கும் கொலைகள், பிறகு யூடர்ன் அடித்து, ஷெர்லாக்கின் சொந்த குடும்பத்திற்குள் ஏகப்பட்ட டிராமாக்களை உருவாக்கியிருக்கிறார்கள்.

 

ஷெர்லாக்கின் மாணவ பருவத்தில் இருக்கும் துப்பறியும் அறிவு, மற்றவர்களும் அதற்கு உதவுவது எல்லாம் நன்றாக இருக்கிறது

 

மேலோட்டமாக எடுக்காமல், கொஞ்சம் மெனக்கெட்டு, துவக்கத்தில் இருந்து, கடைசி வரை விறுவிறுப்பாக எடுத்திருக்கிறார்கள்.   எல்லா பாத்திரங்களும் நினைவில் நிற்பது இதன் பலம். நடிகர்களும் பலம் சேர்த்திருக்கிறார்கள்.

 

பிரைமில் தமிழில் இருக்கிறது. துப்பறிதல் + ஆக்சன் படங்களில் ஆர்வம் உள்ள ரசிகர்கள் நிச்சயம் பார்க்கலாம். தவற விடாதீர்கள்.