Give up - ஒரு வரி ஆலோசகர் கைவிட வேண்டியவை

“எதைச் சேர்க்கிறோம் என்பதல்ல,

எதை நேரத்தில் கைவிடுகிறோம் என்பதே
வளர்ச்சியை நிர்ணயிக்கிறது.”

***

 

கற்றுக்கொள்ள வேண்டும் என்று சொல்லப்படும் போதெல்லாம்,
அதற்காக நாம் மேலும் மெனக்கெட வேண்டும் என்று நினைக்கிறோம்.

 

ஆனால் உண்மையில்,
நாம் கற்றுக்கொள்ள வேண்டியதைவிட
கைவிட வேண்டியவற்றையும்
எப்போதும் நம்மோடு சுமந்துகொண்டே நடக்கிறோம்.

 

அந்தச் சுமை எது,
அது ஏன் தேவையற்றது,
எப்போது அதை விட வேண்டும்
என்பதை அறிந்துகொள்வதே
உண்மையான முன்னேற்றத்தின் தொடக்கம்.

****

 

1️⃣ ““எல்லாம் எனக்குத் தெரியும்” என்ற மனநிலையை கைவிடுதல்

 

வரி சட்டம் தினமும் மாறுகிறது.
நேற்றுத் தெரிந்தது, இன்று பழையதாகிவிடும்.

👉 கற்றல் நிறுத்திய நாளே, வளர்ச்சி முடியும் நாள்.

 

2️⃣ ஊகத்தின் அடிப்படையிலான ஆலோசனை

 

“எனக்குத் தோன்றுகிறது”,
“அதிகாரி இப்படித்தான் கேட்பார்”
— இவை ஆலோசனை அல்ல; அபாயம்.

 

👉 சட்டம் + சுற்றறிக்கை + தீர்ப்பு இல்லாமல் பேசுவதை கைவிடுங்கள்.

 

3️⃣ வாடிக்கையாளரைப் பயமுறுத்தி வேலை வாங்கும் இயல்பு

 

“அபராதம் வரும்”,
“வழக்கு போடுவார்கள்” என்று அச்சுறுத்தி வேலை வாங்குவது குறுகிய கால லாபம்.

 

👉 நீண்ட கால நம்பிக்கை அழியும்.

 

4️⃣ “அதிகாரி சொன்னால் போதும்” என்ற மனநிலை

 

அதிகாரி சொல்வது சட்டமா? அல்லது கருத்தா?
என்று பிரித்தறியாத ஆலோசகர்
வாடிக்கையாளரை காப்பாற்ற முடியாது.

 

👉 எப்பொழுதும் சட்டத்தை அடிப்படையாகக் கொள்ளுங்கள்;
அதிகாரியை அல்ல.

 

5️⃣ ஒழுங்கில்லாத ஆவண மேலாண்மை

 

கோப்புகள் சிதறி கிடப்பது,
பழைய தகவல்களைத் தேடி அலைவது
— இது அனுபவம் அல்ல; அலட்சியம்

.

👉 ஒழுங்கை கைவிடாதீர்கள்;
அலட்சியத்தை கைவிடுங்கள்.

 

6️⃣ “எப்போதும் கிடைக்க வேண்டும்” என்ற தவறான நல்லவர் மனப்பான்மை

 

நேரம் இல்லாமல்,
உறக்கம் இல்லாமல்,
எல்லோருக்கும் உடனடி பதில்
— இதெல்லாம் சேவை அல்ல; சிதைவு.

👉 எல்லைக்கு உட்பட்ட சேவையே தொழில்முறையானது.

 

7️⃣ தரமில்லாத வாடிக்கையாளரைப் பிடித்துக் கொள்ளுதல்

 

கட்டணம் பேசுவார்,  மதிப்பளிக்க மாட்டார்,
கேள்வி கேட்பார்; ஆனால் கேட்க மாட்டார்.

 

👉 இப்படிப்பட்ட வாடிக்கையாளரை
கைவிட்டால்தான்
நல்ல வாடிக்கையாளர்கள் வருவார்கள்.

 

8️⃣ “எல்லாவற்றையும் நான் தான் செய்ய வேண்டும்” என்ற பழக்கம்

 

ஒப்படைக்கத் தெரியாதவர் வளர முடியாது.

👉 உதவியாளரை உருவாக்குங்கள்;
உங்களை சோர்வடைய விடாதீர்கள்.

 

9️⃣ பழைய முறைகளில் பிடிவாதம்

“நான் இப்படித்தான் பண்ணுவேன்”
என்ற வாக்கியம்
முன்னேற்றத்திற்கு எதிரி.

 

👉 மாற்றத்தை எதிர்க்கும் நாளே
சந்தை உங்களை விட்டு நகரும்.

 

🔚 இறுதி உண்மை

 

ஒரு வரி ஆலோசகர் முன்னேறுவது
அதிக வேலை செய்ததால் அல்ல.

 

தேவையற்ற பழக்கங்களை
உடனே கைவிடுவதால்

- இரா. முனியசாமி,

ஜி.எஸ்.டி, வருமானவரி, இபிஎப், இ.எஸ்.ஐ ஆலோசகர்,

எல்.ஐ.சி. முகவர்

📞 95512 91721