ரயில் - சில குறிப்புகள்

எல்லா பருவ காலங்களிலும்
ரயில் பயணம் சுகமானது தான்!
இளையராஜா இன்னும்
சுகமாக்குகிறார்.

படிக்க முடிவதாலேயே
ரயில் பயணம்
அவ்வளவு பிடிக்கும்.

தனக்கு கிடைத்த
படுக்கையை - மக்கள் 

அத்தனை காதலிக்கிறார்கள்.

முன்பெல்லாம்
ரயில் சிநேகம் உண்டு.
இப்போதெல்லாம்
செல்லோடு தான் சிநேகம்.

ரயில் முன்னேற முன்னேற
கடந்த பாதையை
மெல்ல மெல்ல
அசை போட வைக்கிறது.

தூங்கி, என்னுடைய நிறுத்தத்தை
விட்டுவிடுவேன் என்ற பயம் எப்பொழுதுமே உண்டு.
ஒருநாளும் அப்படி நடந்ததில்லை.

காலங்கள் உருண்டாலும்
ரயில் உணவு கொடுப்பினை இல்லை!
கடந்த முறை 

கெட்டுப்போன பிரியாணியை விற்றுவிட்டார்கள்.

இரண்டு உலகம் இங்குண்டு.
பதிவு செய்தும்,
பதிவு செய்யாமலும்
பயணம் செய்து பாருங்கள்.