> குருத்து: காதல்! காதல்! காதல்!

March 29, 2020

காதல்! காதல்! காதல்!

நாயகன். நாயகி. இருவரும் காதலிக்கிறார்கள். கடுமையான அப்பா. வழக்கமான எதிர்ப்பு. நாயகி வீட்டை விட்டு வெளியேறுகிறார். எதேச்சையாய் நாயகனை போலீஸ் கைது செய்கிறது. நாயகி ஏமாந்து மீண்டும் வீட்டுக்கு போகிறார். பிறகு பல போராட்டங்களுக்கு பிறகு ஒன்று சேருகிறார்கள்.

இந்த படம் 'தூறல் நின்னு போச்சு' என்று நினைப்பீர்கள். ஆனால் படம் 'பூச்சூடவா'. தூறல் நின்னு போச்சு-ன் மறுஆக்கம். அதை வெளிப்படையாக சொன்னதாக தெரியவில்லை.

பாடல் வார்த்தைகளில் ஏதும் மேஜிக் இல்லை. ஆனால் சிற்பியின் துள்ளல் இசை. எஸ்.பி.பி & சித்ராவின் உற்சாக பாடல். சிம்ரனின் நடன வேகத்துக்கு ஈடு கொடுக்க முடியாமல் அப்பாஸ் சமாளித்து இருப்பார். பாடலை ஒருமுறை கேளுங்கள். காதலர்களின் உற்சாகம் உங்களையும் தொற்றிக்கொள்ளும்.

இந்த பாடலுக்கான யூடியூப் வாசகர்களின் ஆயிரம் கருத்துக்களில் 75% சிம்ரனின் அழகையும் நடன திறமையையும் வியக்கிறார்கள்.
பாடியவர்களையும், அப்பாஸையும் எப்பொழுதாவது பாராட்டுகிறார்கள். 🙂



0 பின்னூட்டங்கள்: