> குருத்து: கல்தோசை!

August 2, 2018

கல்தோசை!

அவசரம் அவசரமாய் கிளம்புகிற வேளையில்
கல்தோசைதான் தோதாய் இருக்கிறது!
கல்தோசை சுடும்பொழுதெல்லாம்
அம்மா நினைவு வருகிறது!

சிறுவயதில் எப்பொழுதும்
கனமான கல்தோசை தான்
ஐந்து பிள்ளைகளுக்கும்!

எவ்வளவு அடம்பிடித்தாலும்
நைஸ் தோசை கிடைக்காது!
'அப்படி சுட்டா... மதியம் வரைக்கும் 

தோசை சுடவேண்டியது தான்" என்பார் கோபமாய்!
"அதெல்லாம் பிள்ளைகளுக்கு பசியடங்காது" என்பார்
பிறிதொரு சமயத்தில்!

அம்மாவிற்கு ஐந்து பிள்ளைகள்! 

எனக்கு ஒரு அம்மா தானே!
அம்மாவை உட்காரவைத்து
நைஸ் தோசைகள்
சுட்டுத்தர நிறைய ஆசை!
அம்மாதான் இல்லை!

0 பின்னூட்டங்கள்: