திரையிலிருந்து ஆறாவது வரிசை!

வளர்ந்து வரும் நடிகரின் படம்.
வெளிவந்த முதல்நாள்.
இரவுக்காட்சி!

எனக்கு முன்பு
நின்றிருந்த இளம்பெண்
"திரையிலிருந்து
ஆறாவது வரிசையில்
இரண்டு இருக்கைகள்" என்றார்.
ஆண் நண்பரும் அருகில்
நின்றிருந்தார்.
புன்னகைத்துக்கொண்டே
டிக்கெட் தந்தார்.

ஆறாவது வரிசை வரை
கூட்டம் வராது என்ற
ஆழ்ந்த நம்பிக்கையில்
கேட்கிறாளோ?

ஜெயலலிதாவிற்கு
ராசியான எண் இருப்பது போல
இவளுக்கு ராசியான எண்
ஆறாய் இருக்குமோ?

நமக்கு ஒரு காதலி இருந்தால்
எத்தனையாவது வரிசையில்
இடம் கேட்டிருப்போம்?

இடைவேளையில்
தற்செயலாய்
ஆறாவது வரிசை
நினைவுக்கு வந்தது!
ஆறாவது வரிசை வரை
மக்கள் வந்திருந்தார்கள்.

ஒருவேளை அவர்கள்
ஆறாவது வரிசையிலிருந்து
நாலாவது வரிசைக்கு
மாறியிருக்கலாம்!

நாம் வந்த வேலையை
பார்க்கலாம் என
படத்தில் மூழ்கினேன்.