"நிலா! என்கூடவே வருதுப்பா!"

சில மாதங்களுக்கு முன்பு

 ஒன்றாம் வகுப்பு படிக்கும் என் பெண்ணுடன் வண்டியில் போய்க்கொண்டிருந்தேன்.

"நிலா! என்கூடவே வருதுப்பா!" என்றாள் ஆச்சர்யமாய்!

"யாரையாவது பிடிச்சுப் போச்சுன்னா, நிலா கூடவே வரும் பாப்பா!" என்றேன்.

"அப்படியா!" என்றாள்.

நிலாவிற்கு தன்னைப் பிடித்துப்போனதில் ஏக சந்தோசம்.

****

நேற்று பள்ளியிலிருந்து திரும்பும் பொழுது...

"என் ப்ரெண்ட் ஜாஸ்மின், லில்லி புஷ்பம் கூடவும் நிலா வருதாம்பா" என்றாள்.

"நிலா மட்டும் தான் வருதா!"

"நிலா, சூரியன், நட்சத்திரம்" என்றாள்.

"குழந்தைகள்னா நிலா, சூரியன், நட்சத்திரம் மூன்றுக்கும் ரெம்ப பிடிக்கும்பா" என்றேன்.

'ஓ' என்றாள்.

எப்பொழுது பெரியவர்களிடம் கேட்கப் போகிறாளோ?! :)

****