படத்தின் நாயகி அவள். சிறுவயதில் அரிய நோயால் நோய்வாய்ப்படுகிறாள். அவள் நோய்க்கு மருந்து இல்லை. வாழும் வரை வாழட்டும் என மருத்துவம் கைவிரித்துவிடுகிறது. அவளுக்கோ வாழ மிகவும் விருப்பம். ஆனால் கல்லூரியில் படிக்கும் பொழுது வாழ்வு தீர்ந்துவிடுகிறது. இறந்துவிடுகிறாள். வாழ்வின் கடைசி துளிவரை மகிழ்ச்சியாக வாழ்கிறாள்.
அவளுக்காக அவள் படித்த பள்ளியில் அஞ்சலி நிகழ்வு நடைபெறுகிறது. அவள் குறித்த நிகழ்வுகளைப் பகிர்ந்துகொள்கிறார்கள். ஒரு சின்ன பையன் "பிடித்த அக்கா அவள். ஒருமுறை ஆசிரியர் ஒருவர் என்னைத் திட்டிவிட்டார். நான் தனியாக அழுதுகொண்டிருந்தேன். அப்பொழுது அந்த அக்காத்தான் என்னைத் தேற்றி, பிறகு இந்த பாடலை எனக்குச் சொல்லி தந்தார்" என சொல்லிவிட்டு குதூகலமான உடல் மொழியுடன் பாடத்துவங்குகிறான்.
"டாடி மம்மி வீட்டில் இல்லை!
தடை போட யாரும் இல்லை!"
இறுக்கமான சூழல் கரைந்து போய், குழுமியிருந்த பள்ளிப் பிள்ளைகள் பலரும் சிரிக்கிறார்கள். ஒரு ஆசிரியர் பதறிப்போய் அந்தப் பையனின் பாடலை நிறுத்த தலைப்படுகிறார். அவள் காற்றில் கரைந்த பிறகும், அனைவரையும் சிரிக்க வைத்துவிட்டாள்.
- ”koode” (2018) மலையாளப் படத்தில்!
Posts
0 பின்னூட்டங்கள்:
Post a Comment