Introduction of AI Tool to Tax Consultants - R. Muniasamy, Speaker, GSTPS Member

 

அன்புள்ள GSTPS உறுப்பினர்களுக்கு,

வணக்கம்.  செயற்கை நுண்ணறிவு (AI) கடந்த சில வருடங்களாக அனைத்து துறைகளிலும் ஊடாடி வருகிறது.   கடந்த பத்து ஆண்டுகளுக்கும் மேலாக பரவலாக பேசப்பட்டாலும்,  அது துவங்கப்பட்ட காலம் என்பது மிகப்பழையது. 

The Imitation Game என ஒரு ஆங்கிலப்படம். இரண்டாம் உலகப்போர் காலத்தில் ஜெர்மன் பல நாடுகளையும் ஆக்கிரமித்துக்கொண்டிருந்த காலத்தில்… அவர்களின் தொலை தொடர்பு யாராலும் கண்டுபிடிக்க சிக்கலான ஒன்றாக இருந்தது. அதனால் இழப்புகளும் பெரிதாக இருந்தது.  அதில் பிரிட்டனைச் சேர்ந்த விஞ்ஞானி ஆலன் ட்டூரிங் என்பவர் தன் குழுவினரோடு அதன் கணித நுட்பத்தை கண்டுபிடித்தார். அதன் மூலம் பல சேதாரங்களை தவிர்த்தார்கள் என்பது வரலாறு.

உலகம்  அப்பொழுது கணினியை ஒரு மாபெரும் மின் பெட்டியாகத்தான் பார்த்துக்கொண்டிருந்த நேரத்தில், ஆலன் ட்யூரிங் தான் யோசித்தார்: “இதற்கு சிந்திக்கக் கற்றுத்தர முடியுமா?” என அவர் தான் AIக்கு விதை போட்டார் என்கிறார்கள்.

அதற்கு பிறகு மெல்ல மெல்ல வளர்ச்சியடைந்து… இடைக்காலத்தில் தொய்வையடைந்து… கணிப்பொறியின் வளர்ச்சி பெரிதாக மாறிய பிறகு மீண்டும் வேகமெடுத்து தான், இப்பொழுது மிகப்பெரிய வளர்ச்சியடைந்திருக்கிறது.

பல்வேறு துறைகளிலும் வளர்ச்சியில் இருப்பது போல, நமது வரித்துறைகளிலும் AI உள்ளே வந்து வருடங்கள் கடந்துவிட்டது என்பதை நாம் புரிந்திருக்கிறோம்.   ஆக பல்வேறு தலைப்புகளில் விவாதித்த நாம், இப்பொழுது AI  நமக்கு எப்படியெல்லாம் பயன்படும் என்பதையும் நாம் அறிவது மிகவும் அவசியம். 

நமது வரி ஆலோசகர்கள் சிலரிடம் பேசும் பொழுது, வேலை நெருக்கடியில் இருப்பதால் தான்,  வளர்ச்சிக்கு தேவை என்றாலும் குழு செய்திகளை படிக்க முடியாததை வருத்தமாக பகிர்கிறார்கள். உண்மையில் AI யை கற்றுக்கொண்டு அதை பயன்படுத்தும் பொழுது, நமக்கு சில சிரமமான வேலைகள் எளிதாக முடிகிறது.

ஒரு ஆண்டுக்கு முன்பு சாட் ஜிபிடி குறித்த ஒரு அறிமுக வகுப்பை நமது சொசைட்டியில் திரு. செல்வராஜ் CMA எடுத்தார்.   இப்பொழுது அதன் தொடர்ச்சியாக ஒரு அறிமுக வகுப்பைத்தான் இப்பொழுது நடத்த இருக்கிறோம்.

நான் AI குறித்த நிபுணன் அல்ல!  தொடர்ந்து கற்றுக்கொண்டிருக்கிறேன். அதைத்தான் கட்டுரைகளாகப் பகிர்ந்தும் கொண்டிருக்கிறேன். 

இந்த வாரத்தில் சீனியர் வில்லியப்பன் அவர்களை சந்தித்த பொழுது, அவர் AI குறித்து ஒரு ஆன் லைன் வகுப்பில் கலந்துகொண்டு கற்றுக்கொண்டிருப்பதாக தெரிவித்தார். இன்னொரு உறுப்பினரை சந்திக்கும் பொழுது அவரும் ஒரு வகுப்பில் கற்றுக்கொள்வதாக தெரிவித்தார்.

இந்த நேரடிக் கூட்டத்தில் AI குறித்த அறிமுகத்தை ஒரு பறவைப் பார்வையில் பகிர்ந்து, சில நடைமுறை விசயங்களைப் பார்த்த பிறகு கலந்துகொள்ளும் மற்ற உறுப்பினர்களும் தங்களுக்கு உள்ள AI குறித்த அறிவை, அனுபவத்தை பகிர்ந்துகொள்ள வேண்டுமாய் அன்புடன் கேட்டுக்கொள்கிறேன். இந்த கூட்டத்தை பலரும் கலந்து பேசும் கூட்டமாக மாறினால் மிக்க மகிழ்ச்சி.

மற்றபடி, வழக்கம் போல இந்த ஆண்டும் காலண்டர்கள், டைரியை சொசைட்டி நிர்வாகிகள் விநியோகிக்க இருக்கிறார்கள்.  மகிழ்ச்சி.

வாருங்கள். AI குறித்து அறிவை, அனுபவத்தைப் பகிர்ந்துகொள்வோம்.

நன்றி.

- இரா. முனியசாமி,

வரி ஆலோசகர்,

GSTPS உறுப்பினர்,

9551291721

WhatsApp Broadcast – ஒரு வரி ஆலோசகருக்கு எப்படி பயன்படும்?

WhatsApp-ல் “Broadcast” என்பது ஒரே செய்தியை பலருக்கு ஒரே நேரத்தில் தனித்தனியாக அனுப்பும் ஒரு வசதியாகும். இது WhatsApp குழுவைப் போலல்ல. குழுவில் எல்லோரும் ஒருவருக்கொருவர் செய்தியைப் பார்ப்பார்கள். ஆனால் Broadcast-ல் பெறுபவர்கள் ஒருவரையும் அறியமாட்டார்கள்; அது அவர்களுக்கு தனிப்பட்ட WhatsApp message போலத் தோன்றும்.

 

உதாரணமாக :  நாம் அறிந்த ஒன்று.  ஒரு அமைப்பு தன் உறுப்பினர்களை எல்லோரையும் இணைத்து ஒரு Broadcast உருவாக்கி வைத்து தான் நினைவூட்டல்களை பதிவிடுகிரார்கள்.  எல்லோருக்கும் அதே நிமிடத்தில் போய் சேர்ந்துவிடுகிறது.

 

Broadcast எப்படி வேலை செய்கிறது?

 

• ஒரே தகவலை பலருக்கு ஒரே நேரத்தில், தனிப்பட்ட முறையில் அனுப்ப முடியும்.
• வாடிக்கையாளர்களுக்கு Updates, Reminders, Due dates, Alerts ஆகியவற்றை விரைவாக பகிர முடியும்.
• வேலையில்  நெருக்கடியாக இருக்கும் பொழுதுகளில் ஒவ்வொருவருக்கும் தனித்து அனுப்ப வேண்டிய அவசியம் இல்லாமல் நேரம் சேமிக்க உதவும்.

 

Broadcastயைப் எப்படி உருவாக்குவது?

 

Android / iPhone இரண்டிலும் அமைப்பு எளிது:

 

1. WhatsApp-ஐ திறக்கவும்
2. மேலே உள்ள Menu (அல்லது) Chats பகுதியில் செல்லவும்
3. “New Broadcast” என்பதை தேர்ந்தெடுக்கவும்
4. சேர்க்க வேண்டிய Contacts-ஐ தேர்வுசெய்யவும்
5. “Create” அல்லது “Tick” ஐ அழுத்தவும்

 

இனி நீங்கள் Type செய்யும் செய்தி அந்த broadcast பட்டியலில் உள்ளவர்களுக்கு தனித்தனியாக அனுப்பப்படும்.

 

Broadcast-ல் யார் யார் செய்தியைப் பெறுவார்கள்?

 

WhatsApp ஒரு முக்கிய நிபந்தனையை வைத்திருக்கிறது:

 

• உங்கள் எண்ணை அவர்கள் தங்களது Phone Contacts-ல் சேமித்து (Save) இருந்தால் மட்டுமே அவர்கள் உங்கள் Broadcast message-ஐ பெறுவார்கள்.

 

இதை பலர் மறந்து விடுகிறார்கள். எனவே broadcast செயல்பட வாடிக்கையாளர்கள் உங்கள் எண்ணை சேமித்து வைத்திருப்பதை உறுதிசெய்ய வேண்டும்.

 

WhatsApp Broadcast – இலவச வரம்பு

 

WhatsApp-ல் ஒரு Broadcast List-ல் அதிகபட்சம்:  256 contacts வரை சேர்க்கலாம்.  இந்த வசதி முற்றிலும் இலவசம். நீங்கள் பல Broadcast (GST Clients, PF/ESI clients, General updates போன்ற பிரிவுகளாக பட்டியல்களை உருவாக்கலாம்.  *சமீபத்தில் ஒரு மாதத்திற்கு 35 மட்டுமே இலவசமாக அனுப்பமுடியும் என வரம்பை உருவாக்கியிருக்கிறது.*

 

ஒரு வரி ஆலோசகருக்கு இது எப்படி பயனளிக்கும்?

 

வரி ஆலோசகர்/தணிக்கையாளர் பணியில் செயல்திறன் மற்றும் நேரம் மிக முக்கியம். Broadcast, அதற்கு உதவும் சில முக்கிய வழிகள்:

 

1. Due Date Reminders  -  GST filing due dates, Income Tax compliance, TDS timelines போன்றவற்றை ஒரே நேரத்தில் அனைவருக்கும் அனுப்பலாம்.

 

2. முக்கிய அரசு circulars / notifications   - புதிய GST circular, PF/ESI notification போன்ற தகவல்களை விரைவாக பகிரலாம்.

 

3. Payment reminders – சேவைக் கட்டணத்தை நினைவூட்ட மொத்தமாக அனுப்பிக்கொள்ளலாம்.

 

4. Documents submission follow-up - “GSTR-3Bக்கு documents இன்று அனுப்பவும்” போன்ற நினைவூட்டல்களை தனிபட்ட செய்தி போல அனுப்பலாம்.

 

5. Acceptable, non-spam communication -  ஒவ்வொருவருக்கும் தனியாக செல்லும் செய்தி என்பதால், வாடிக்கையாளர்கள் அதை நேரடியாக அனுப்புகிறார்கள் எனப் புரிந்துகொள்வார்கள். குழு செய்திகளைப் போல கவனிக்காமல் விடமாட்டார்கள்.

 

6. Time-saving - ஒவ்வொருவருக்கும் தனித்தனியாக செய்தி அனுப்ப வேண்டிய நேரமும் முயற்சியும் குறையும்.

 

கடைசியாக...

 

WhatsApp பிராட்காஸ்ட் என்பது தனிப்பட்ட முறையில் பலருக்கு செய்தி அனுப்ப ஒரு சிறந்த கருவி. குரூப்பின் குழப்பம் இல்லை, ஆனால் Reach (அடையும் தன்மை) நன்றாக இருக்கும். இதைச் சரியாகப் பயன்படுத்தினால்  வணிகம் மற்றும் தனிப்பட்ட தொடர்புகளுக்கு மிகவும் பயனுள்ளதாக இருக்கும்.

Perplexity AI – ஒரு வரி ஆலோசகருக்கு எப்படி பயன்படும்?

நிகழ்காலத்தில் செயற்கை நுண்ணறிவு கருவிகளில் ஒன்று Perplexity AI. இணையத்தில் கிடைக்கும் சமீபத்திய தகவல்களைத் துல்லியமாக சேகரித்து, அவற்றை ஆதாரங்களுடன் வழங்கும் ஒரு “answer–engine” ஆகும். Perplexity AI நிறுவனம் 2022 ஆம் ஆண்டு நிறுவப்பட்டது.

 

“Perplexity” என்ற வார்த்தைக்கு என்ன அர்த்தம்?

 

ஆங்கிலத்தில் "Perplexity" என்ற வார்த்தை "தெரியாத நிலை", "சிக்கலான நிலை", அல்லது "குழப்பம்" போன்ற பொருள்களைக் கொண்டது.  Perplexity AI என்ற பெயர், சிக்கலான தகவல்களைத் தெளிவுபடுத்தி, பயனரின் “குழப்பத்தை” தீர்க்கும் தன்மையைக் குறிக்கிறது.

 

முக்கியமான அம்சங்கள்

 

1.  1. ஆதாரங்களுடன் கூடிய பதில்கள்

 

ஒவ்வொரு பதிலும் அதன் மூல இணையதளங்களுடன் சேர்த்து வழங்கப்படும். இதனால் பெறப்படும் தகவல் எங்கிருந்து வந்தது என்பதை உடனே அறிய முடியும்.

 

2. Deep Research

ஒரு கேள்விக்காக இணையத்தில் ஆழமான ஆய்வு செய்து, பல்வேறு ஆவணங்கள் மற்றும் கட்டுரைகளின் கருத்துகளைச் சேர்த்து வழங்கும் திறன் உள்ளது.

 

3. நீண்ட கட்டுரைகளை சுருக்குதல்  - Internet பக்கங்கள், PDF, நீண்ட கட்டுரைகள் ஆகியவற்றைச் சுருக்கி முக்கியமான புள்ளிகளைத் தெளிவாக வழங்கும்.

 

4. Fact Checking  - சந்தேகப்படும் தகவல்களை விரைவாக சரிபார்க்க உதவும்.

 

5. தொழில்நுட்ப / வணிக ஆய்வு

சந்தை நிலவரம், தொழில்நுட்ப முன்னேற்றம், போட்டி ஆய்வு போன்றவற்றில் விரைந்து தகவல் பெற முடியும்.

 

ஒரு வரி ஆலோசகருக்கு இது எப்படி பயனாக இருக்கும்?

 

வரி ஆலோசகர், கணக்கு நிபுணர், GST ஆலோசகர் போன்றவர்களுக்கு Perplexity AI மிகப் பெரிய உதவியாக இருக்கும்.

 

1. சட்ட / விதிமுறை ஆராய்ச்சி -  GST, வருமானவரி, தொழில் சட்டங்கள் போன்றவற்றில் சமீபத்திய அறிவிப்புகள், சுற்றறிக்கைகள், கேஸ்-லா போன்றவற்றைக் கண்டறிய உதவும்.

 

2. வாடிக்கையாளர்களுக்கான விளக்கக் குறிப்புகள்* - சிக்கலான வரி விஷயங்களை எளிதாக சுருக்கி, விளக்கக்குறிப்புகளாக மாற்ற உதவும்.

 

3. ஆதாரத்துடன் கூடிய பதில்கள் : வாடிக்கையாளர்களுக்கு வழங்கும் ஆலோசனைகளுக்கு Perplexity வழங்கும் மூலத் தகவல்கள் கூடுதல் நம்பிக்கையை அளிக்கும்.

 

4. Presentation / Report தயாரித்தல் - கூட்டம் அல்லது செமினார்களுக்கு தேவையான தகவல்களை ஆதாரங்களுடன் சேகரித்து, சுருக்கமாக வழங்க முடியும்.

 

5. Fact Verification - சந்தேகமான தகவல்கள் அல்லது மாறுபட்ட கருத்து நிலைகள் இருந்தால், அவற்றை சரிபார்க்க விரைவான கருவியாகப் பயன்படுத்தலாம்.

 

இலவசமாக பயன்படுத்தலாமா?

 

இலவச பதிப்பு பயனர்களுக்கு கிடைக்கிறது. Perplexity Pro என்ற கட்டணப் பதிப்பும் உள்ளது. இதில் Deep Research, கூடுதல் backend models, அதிக தேடல்கள் போன்ற கூடுதல் வசதிகள் வழங்கப்படும்.

 

இறுதியாக…

 

Perplexity AI என்பது விரைவாக வளரும், ஆழமான ஆய்வு திறன் கொண்ட, ஆதாரங்களோடு பதில்களை வழங்கும் வலுவான answer-engine ஆகும். வரி ஆலோசகர்கள், கணக்கு நிபுணர்கள், நிறுவன ஆலோசகர்கள் உள்ளிட்ட பல்வேறு நிபுணர்களுக்கு இது பெரும் உதவியாக இருக்கும்.

இரா. முனியசாமி,

ஜி.எஸ்.டி, வருமானவரி, இபிஎப், இ.எஸ்.ஐ ஆலோசகர்,

📞 95512 91721