தாமதம், தள்ளிப்போடுதல் – ஒரு வரி ஆலோசகரை எப்படி பாதிக்கிறது?

Procrastination என்றால் தாமத பழக்கம் அல்லது பணி தள்ளிப்போடும் பழக்கம்  எனலாம். இது, செய்ய வேண்டிய வேலையைத் தெரிந்திருந்தும், மனஅழுத்தம் அல்லது சலிப்பு காரணமாக “பின்னர் பார்க்கலாம்” என்று தள்ளிப்போடும் மனநிலை.

 

எதனால் இந்த தன்மை வருகிறது?

 

1. மனஅழுத்தம் மற்றும் பீதியுணர்வு: செய்ய வேண்டிய பணி கடினமாகத் தோன்றும்போது மனம் அதிலிருந்து தப்பிக்க முயலுகிறது.

 

2. பூரணவாதம் (Perfectionism): “சிறப்பாகவே செய்ய வேண்டும்” என்ற எண்ணம் துவக்கத்தையே தடுக்கிறது.

 

3. குழப்பம்: எது முதலில் செய்ய வேண்டும் என்ற முன்னுரிமை தெளிவில்லாதபோது மனம் தள்ளிவைக்கும்.

 

4. உள்ளார்ந்த உற்சாகமின்மை:  பணி சுவாரஸ்யமில்லாததாகத் தோன்றும் போது தள்ளிப்போடுகிறோம்.

 

5. சாதனையின் பயம்: வெற்றி பெற்றால் கூடும் பொறுப்புகள் — இதற்கே சிலர் அஞ்சுவார்கள்.

 

இதனால் வரும் இழப்புகள்

 

வரி ஆலோசனை என்பது நேரம், துல்லியம், பொறுப்பு ஆகியவற்றின் சங்கமம். தள்ளிப்போடுதல் இங்கே பெரும் ஆபத்தை உருவாக்கிவிடும்.

• காலக்கெடு தவறுதல்: IT/GST Returns, Audit, Appeals — அனைத்தும் நெருக்கமான deadlinesகளுடன் செயல்படும். தாமதம் அபராதத்தையும், வாடிக்கையாளர் நம்பிக்கையையும் இழக்க வைக்கும்.

 

• அழுத்தம் அதிகரித்தல்: கடைசி நேரத்தில் செய்யும் பணிகள் மனஅழுத்தத்தை பெருக்கும்; தவறுகள் அதிகரிக்கும்.

 

• தொழில்முறை மதிப்பு குறைதல்: “நேரத்தில் செய்யமாட்டார்” என்ற பெயர் ஒரு வரி ஆலோசகரின் நம்பிக்கையை நாசம் செய்யும்.

 

• தனிப்பட்ட நலம் பாதிப்பு: தூக்கக் குறைவு, மன அழுத்தம், பணிச்சோர்வு — இவை எல்லாம் பின்வரும் விளைவுகள்.

 

களைவது?

 

1. சிறு பாகங்களாகப் பிரித்துக்கொள்ளூங்கள். பெரிய பணி மனஅழுத்தம் தரும்; அதை சிறு பகுதிகளாகப் பிரி.

 

2.       “5 நிமிடம் விதி”: “ஐந்து நிமிடங்கள் மட்டும் இதை தொடங்குவேன்” என்று மனத்துடன் உடன்பாடு செய் — துவக்கம் தான் பெரிய வெற்றி.

 “முன்னேறுவதற்கான ரகசியம் — துவங்குவதில்தான்.— Mark Twain

 

3. முன்னுரிமை பட்டியல்:  Eisenhower Matrix போன்று “அவசரம்–முக்கியம்” அடிப்படையில் பணி வரிசைப்படுத்து.

 

4. பணி நேரம் நிர்ணயி:  குறிப்பிட்ட நேரம் (9–11 am போன்றது) “Deep Work” நேரமாக நிர்ணயித்து, முழுமையாக அதில் மூழ்குங்கள்.

 

5. தன்னம்பிக்கை வளர்த்து: பூரணவாதம் (Perfectionism)  விடுங்கள்; “செய்தல் சிறப்பு, தள்ளுதல் சோம்பல்” என்ற நினைவில் கொள்ளுங்கள்.

 

“செய்யத் தயங்குவது தோல்வியின் ஆரம்பம்.” — திருக்குறள் 46

இறுதியாக….

 

மொத்தத்தில், தள்ளிப்போடுதல் ஒரு சிறிய பழக்கம் போலத் தோன்றினாலும், ஒரு வரி ஆலோசகரின் தொழில் நம்பிக்கையையும் வாழ்க்கை சமநிலையையும் சீர்குலைக்கும். அதை அடக்குவது மன ஒழுக்கத்தின் வெற்றி — அதுவே சிறந்த ஆலோசகரின் அடையாளம்.

 

-          இரா. முனியசாமி,

ஜி.எஸ்.டி, வருமானவரி, பி.எப், இ.எஸ்.ஐ, ஆலோசகர்,

9551291721     

Critical Thinking - வரி ஆலோசகருக்கு ஏன் தேவை?

Critical Thinking என்பது ஒரு விஷயத்தை அறிவாற்றலுடன் ஆராய்ந்து, உண்மையை புரிந்து கொண்டு, சரியான முடிவை எடுக்கும் திறன். “எல்லோரும் இதேபடி செய்கிறார்கள்” என்று நம்பாமல், “இதற்குப் பின்னால் என்ன காரணம்?” “இது சட்டபூர்வமான வழியா?” “இது வாடிக்கையாளருக்கு நீண்டகால நன்மை தருமா?” என்று சிந்திப்பது தான் Critical Thinking.

 

வரி ஆலோசகருக்கு ஏன் இது அவசியம்?

 

வரி சட்டம் (Tax Law) என்பது சிக்கலானதும், நிலைவாறானதுமானது. ஒவ்வொரு வாடிக்கையாளரின் நிலையும் தனித்துவமானது.

• ஒருவருக்கு GST Refund பிரச்சனை,

• மற்றொருவருக்கு Income Tax Scrutiny,

• மூன்றாவருக்கு Departmental Audit Query.

 

இத்தனைக்கும் ஒரே மாதிரி தீர்வு இல்லை. ஒரு திறமையான ஆலோசகர், சட்டத்தின் நோக்கம் (legislative intent), நிதி விளைவுகள் (financial implications) மற்றும் வாடிக்கையாளரின் நியாயமான நலன் ஆகியவற்றை இணைத்து தீர்வு காண வேண்டியுள்ளது. இதற்காகவே Critical Thinking மிக முக்கியம்.

 

"வரிவிதிப்பு என்பது வெறும் இணக்கத்தைப் பற்றியது மட்டுமல்ல; அது பகுத்தறிவு மற்றும் விளக்கம் பற்றியது." (“Taxation is not just about compliance; it is about reasoning and interpretation.”)

 

— Kuldip Kumar, Partner (Tax & Regulatory Services), PwC India

இதனால் கிடைக்கும் சாதகங்கள்

 

1. சட்ட விளக்கங்களில் தெளிவு:

பலமுறை சட்ட விதிகள் முரண்படலாம்; விமர்சன சிந்தனை சட்ட நோக்கத்தை புரிந்து கொள்ள உதவும்.

 

2. வாடிக்கையாளர்களின் நம்பிக்கை அதிகரிக்கும்:

ஆலோசகர் கேள்விகளை விசாரித்து, சிந்தித்து தீர்வு கூறுவதை வாடிக்கையாளர்கள் மதிப்பார்கள்.

 

3. பிரச்சனைகளை விரைவாகவும் நியாயமாகவும் தீர்க்க முடியும்:

சிந்தனையுடன் அணுகும்போது தீர்வுகள் நடைமுறைசார் (practical) மற்றும் சட்டபூர்வமாக இருக்கும்.

 

4. தவறுகள் குறையும்; தீர்மானங்கள் வலிமையாக இருக்கும்:  “ஆவணமில்லாத முடிவுகள்” என்ற குற்றச்சாட்டுகள் குறையும்.

 

5. புதுமையான வழிகளை உருவாக்கும் திறன்:

சட்டத்தில் உள்ள நுணுக்கங்களைப் பயன்படுத்தி புதுமையான தீர்வுகளை வடிவமைக்க முடியும்.

ICAI (Institute of Chartered Accountants of India) தனது Ethics module

 

"தொழில்முறை சந்தேகம் மற்றும் விமர்சன சிந்தனை ஆகியவை நல்ல தீர்ப்பின் அடித்தளமாகும்."

(“Professional skepticism and critical thinking are the foundation of good judgment.”)

- ICAI (Institute of Chartered Accountants of India) தனது Ethics module

 

வளர்க்கும் வழிகள்

 

1. “ஏன் இப்படிச் சொல்கிறார்கள்?” என்ற கேள்வியை எப்போதும் கேளுங்கள்.

 

Circulars, Notifications, Judgments — அனைத்தையும் காரணத்துடன் வாசியுங்கள்.

 

2. Case Studies படிக்கவும்:

நிஜ வரி வழக்குகள் (tax case laws) — ITAT, HC, SC தீர்ப்புகளை வாசிப்பது சிறந்த பயிற்சி.

 

3. Peer Discussion:

பிற வரி ஆலோசகர்கள், கணக்காளர்கள், வழக்கறிஞர்களுடன் கருத்துப் பரிமாற்றம் செய்யுங்கள்.

 

4. Reflection Practice:

தினசரி ஒரு முடிவை மீண்டும் சிந்தியுங்கள் — “வேறு வழி இருந்ததா?” “அது நீண்டகாலம் நிலைத்திருக்கும் தீர்வா?” என்று ஆராயுங்கள்.

 

இறுதியாக…

 

வரி ஆலோசகர் வெறும் கணக்கைச் சரிபார்ப்பவர் அல்லர் — அவர் சட்டத்தின் விளக்ககரர் (interpreter), வணிகத்தின் வழிகாட்டி (advisor), நியாயத்தின் சார்பாளர் (advocate).

 

அதற்காக அவரின் முக்கியமான ஆயுதம் — Critical Thinking.

"வரி விதிப்பில், தர்க்கம் சட்டத்தைப் போலவே முக்கியமானது."( “In taxation, logic is as important as law.”)

— Nani Palkhivala, Eminent Tax Jurist

 

- இரா. முனியசாமி,

ஜி.எஸ்.டி, வருமானவரி, பி.எப், இ.எஸ்.ஐ, ஆலோசகர்,

9551291721                                      

ஒரு வரி ஆலோசகருக்கு நகைச்சுவை உணர்வு (Humor Sense) ஏன் அவசியம்?

 

வரி ஆலோசகரின் நாட்கள் எளிதானவை அல்ல. சிக்கலான சட்டங்கள், குறைபாடுகளுடனான கணக்கு, எப்பொழுதும் காலக்கெடுவிற்குள் வேலையை முடிக்க மல்லுக்கட்டுவது, அதிகாரிகளின் சிடுசிடு கேள்விகள்,  வரித் தளங்களின் இழுத்தடிப்புகள், தொங்கல்கள் என எல்லாமுமாய் சேர்ந்து வாழ்க்கையே ஒரு சுழலுக்குள் சிக்கியது போல தோன்றும்.

 

இப்படிப்பட்ட சூழலில் மனதை சமநிலைப்படுத்தி, நிதானமாக புன்னகைத்துக் கொண்டே செயல்பட உதவுவது — நகைச்சுவை உணர்வு தான்.

 

 “சிரிப்பு என்பது உயிரின் சமநிலையை காப்பாற்றும் அறிவு.”

— மகாத்மா காந்தி

 

நகைச்சுவை உணர்வு என்ன தரும்?

 

1. மன அழுத்தம் கரையும். சின்ன புன்சிரிப்பு மனதைக் குளிர்விக்கும்.

 

2. வாடிக்கையாளர்கள் நெருக்கம் பெறுவர். சிரிப்புடன் பேசும் ஆலோசகர் எளிதில் நம்பிக்கையைப் பெறுவார்.

 

3. கடுமையான விவாதங்களும் மென்மையாவதுண்டு. கோபத்தையும் பதட்டத்தையும் சிரிப்பு நிமிடத்தில் உருகச் செய்கிறது.

 

4. அணி உறவுகள் வலுப்படும். அலுவலகத்தில் சிரிப்பு பரவியால் ஒற்றுமையும் பெருகும். வேலையில் லகுத்தன்மை வரும்.

 

5. சொல்வதெல்லாம் நினைவில் நிற்கும். நகைச்சுவையுடன் கூறிய விளக்கம் மனதில் தங்கும்.

 

6. நல்ல அபிமானம் உருவாகும். சிரிக்க தெரிந்தவர் *“அன்பும் அறிவும் கலந்த நிபுணர்”*  எனப் பார்க்கப்படுவார்.

 

7. தோல்வியையும் இலகுவாக ஏற்றுக் கொள்வது எளிதாகும். சிரிப்பவன் தோல்வியிலும் தெளிவை காண்கிறான்.

 

 “சிரிக்கக் கூடியவன் எதையும் சமாளிக்கக் கூடியவன்.” — மார்க் ட்வெயின்

 

நகைச்சுவை உணர்வை வளர்ப்பது?

 

1. விசயங்களைத் தீவிரமாகப் பாருங்கள். சில தவறுகள் கற்றுத்தரும் என என சொல்லிக்கொண்டு ஏற்றுகொள்ளுங்கள்.

 

2. ஒவ்வொரு சிரமத்திலும் ஒரு சிறிய சுவாரஸ்யம் மறைந்து இருக்கும். கண்டுபிடிக்கப் பழகுங்கள்.

 

3. மரியாதையுடன் நகைச்சுவைச் சொல்லுங்கள்.  எப்பொழுது எதைச் சொல்வது என்பதைப் புரிந்தால் அது கலை.

 

4. நல்ல நகைச்சுவைப் படைப்புகளைப் படியுங்கள், கேளுங்கள், சுற்றி நடப்பனவற்றை சின்ன புன்வுறுடலுடன் பாருங்கள்.

 

5. பிறரின் உணர்ச்சியை மதித்து நகைச்சுவை பேசுங்கள்.  நகைச்சுவை அன்போடு கலந்திருக்கும்போது மட்டுமே அது நயமாகும்.

 

இறுதியாக...

 

நகைச்சுவை உணர்வு என்பது கேலிச் சொல் அல்ல; அது ஒரு உளவியல் வலிமை,

ஒரு மன சமநிலைப் பயிற்சி.

 

ஒரு வரி ஆலோசகர் சிரிக்கத் தெரிந்தால், அவரின் அலுவலகம் கணக்கு அறையாக இல்லாமல் அறிவும் அமைதியும் நிறைந்த அரங்கம் ஆக மாறும்.

 

"நகைச்சுவை படைப்பாற்றலை அதிகரிக்கிறது, சுய கண்காணிப்பை எளிதாக்குகிறது, மேலும் அறிவாற்றல் மற்றும் நடத்தை மாற்றங்களைத் தூண்டுகிறது."  - Paul Hawken

 

-          இரா. முனியசாமி,

ஜி.எஸ்.டி, வருமானவரி, பி.எப், இ.எஸ்.ஐ, ஆலோசகர்,

9551291721