Work–Life Balance — ஒரு வரி ஆலோசகருக்கு ஏன் அவசியம்?

“அலுவலக நேரம் முடிந்த பிறகு வேலைக்கான அழைப்பு/மின்னஞ்சலுக்கு பதில் சொல்ல வேண்டும் என்று நிறுவனம் திணிக்கக் கூடாது” — நேற்று மகாராஷ்டிரா எம்.பி. சுப்ரியா சூலே “Right to Disconnect Bill” என்று ஒரு தனியார் மசோதாவை லோக்சபாவில் வைத்திருக்கிறார்.

 

****

 

1. Work–Life Balance — என்றால்?

வாழ்க்கையை இரண்டு தெளிவான பகுதிகளாகப் பிரித்து, வேலை மனதை முழுவதும் கொள்ளை கொள்ளாமல், வாழ்க்கை பின்னுக்கு தள்ளப்படாமல், அமைதியாகச் செல்லும் முறையான வாழ்க்கை.

 

 “வேலை செய்யும்போது வேலை மட்டும்;

வீட்டில் இருக்கும்போது வாழ்க்கை மட்டும்.”

 

 “அமைதி என்பது வேலை இல்லாத நிலை அல்ல; உள் சக்தி குழம்பாமல் இருக்கும் நிலை.”   உளவியல் அறிஞர் Dr. Carl Jung

 

2. ஒரு வரி ஆலோசகருக்கு ஏன் மிகவும் அவசியம்?

 

வரி தொழில் என்பது

• சட்டம்
• கணக்கு
• நேர வரம்பு
• நிதானம்
• பொறுப்பு

இவை அனைத்தும் கலந்த ஒரு கடுமையான துறை. சமநிலை குலைந்தாலே தொழில்திறனே குலைந்து விடும்.

 

(1) பிழைகள் அதிகரிக்கும் — சட்டத் துறையின் எச்சரிக்கை

 

 “களைப்பான மனம் எந்த தொழிலிலும் தரமான முடிவுகளை எடுக்காது.” - Peter Drucker

 

வரி ஆலோசகருக்கு முடிவெடுக்கும் திறன் குறைந்தால்,
அது நேரடியாக தாக்கல், தணிக்கை, வாடிக்கையாளர் நம்பிக்கை— அனைத்தையும் பாதிக்கும்.

 

(2) வாடிக்கையாளருடன் உரையாடல் மந்தமாகிறது.

 

 “மனஅழுத்தம் இருக்கும் போது மனிதன் சொற்களை நிதானமாக பயன்படுத்த முடியாது.” - Cal Newport

 

வரி துறையில் தெளிவான விளக்கம் மிக முக்கியம். உள்ளத்தின் சமநிலை இல்லாமல் இது சாத்தியமே இல்லை.

 

 (3) தொழிலின் மரியாதை குறையும்

 

 “Balance இல்லாத நபர், தனது சிறந்த திறனை இழந்து கொள்கிறார் என்று கூட அவருக்கே தெரியாது.”  ­-  Harvard Business Review

 

வரி தொழிலில் “தரமான ஆலோசனை” என்பதே மரியாதை. மனநிலையின் சமநிலை இல்லாமல் இது நிலைக்காது.

 

(4) உடல்நலம் நேரடியாகத் தாக்கப்படும்

 

 “அளவுக்கு மீறிய பணிச்சுமை, உடலின் இரசாயன ஓட்டத்தையே மாற்றிவிடும்.” - Dr. Andrew Huberman

 

அதாவது: தூக்கம், ரத்தஅழுத்தம் கவனம் இவை அனைத்தும் சிதையும். இவைகள் தவறினால் தொழிலும் நழுவ ஆரம்பிக்கும்.

 

3. Work–Life Balance எப்படி வளர்த்துக்கொள்வது?

“திட்டம்” போல இல்லாமல்,  நடைமுறையில் நிதானமாக கடைப்பிடிக்கும் முறை

 

1. தின நேர எல்லை — “இவ்வளவு நேரத்திற்கு பிறகு வேலை இல்லை”

வரி வேலை முடிவில்லாத ஓட்டம். கவனமாக நம்மை காத்துக்கொள்ள வேண்டும்.

 

 “எல்லை இல்லாத வேலை வெற்றியை தராது; வேலை எல்லையை மதிக்கும் மனிதனே நிலையான வெற்றியைத் தருவான்.” -  Jim Collins

 

2. காலை நேரத்தை மிக முக்கிய பணிகளுக்கே ஒதுக்குங்கள்

• காலை நேரத்தில் உடலும் மனமும் தெளிவாக இருக்கு. ஆகையால் காலையிலேயே செய்துவிடுங்கள். மற்ற வேலைகளை மதியம் என தள்ளி வையுங்கள்.

 “காலை மணிகளில் மனிதன் தனது மனம் மீது முழு கட்டுப்பாடு உடையவன்.” - Robin Sharma

 

3. தினமும் 20 நிமிடம் — உடல் இயக்கம்

 

தினமும் 20 நிமிடத்தில் நடைப் பயிற்சி செய்யுங்கள்.  உடல் ஆரோக்கியம் மன ஆரோக்கியத்தை கொண்டு வரும்.

 “உடல் இயக்கத்தை மேம்படுத்தும் மனிதன், மன தெளிவையும் பாதுகாக்கிறான்.” - Dr. Daniel Goleman (Emotional Intelligence)

 

4. 10/20  நிமிடம் அமைதி

 

மொபைல் இல்லாமல், யாருடனும் பேசாமல்.  உள்ளே ஓடும் சத்தங்கள் அமைதியாகும்.

 

 “குறுக்கீடு இல்லா சில நிமிடங்கள், நாள் முழுவதையும் மாற்றி அமைக்கும் சக்தி உடையது.” - Viktor Frankl

 

5. வாரத்தில் ஒரு நாள் — ஓய்வு நாள்

 

அது தொழிலிலிருந்து ஓடுவதல்ல; நம்மை நாமே சீரமைத்துக் கொள்ளும் நாள்.

 

 “சிறு இடைவெளிகள் வேகத்தை குறைப்பதில்லை; அது பயணத்தை நீட்டிக்கும்.” - James Clear

 

இறுதியாக

Work–Life Balance என்பது:

• உடலின் தேவைக்கு மரியாதை
• மனத்தின் தெளிவுக்கு இடம்
• தொழில் தரத்தைச் சீராக வைத்திருக்கும் தளம்
• குடும்பத்திற்கும் நமக்கும் கொடுக்கப்படும் சம வாய்ப்பு

 

Peter Drucker சொன்னது போல…

”எந்த தொழிலும் தெளிவான மனத்தால் தான் வளர்கிறது.”

வரி தொழில் அதில் முதன்மையான ஒன்று.

 - இரா. முனியசாமி,

ஜி.எஸ்.டி, வருமானவரி, இபிஎப், இ.எஸ்.ஐ ஆலோசகர்,

எல்.ஐ.சி. முகவர்

📞 95512 91721