கதை. ஒரு உதவி இயக்குநர் பட வாய்ப்புக்காக துடிப்பாக அலைந்துகொண்டிருக்கிறார். ஒரு தயாரிப்பாளர் ஒரு நடிகையிடம் கதை சொல்லி அனுமதி வாங்க அனுப்பி வைக்கிறார். அவரும் சந்தித்து கதை சொல்ல துவங்குகிறார். தொடர்ச்சியான சந்திப்புகளில் நடிகைக்கு இயக்குநரை பிடித்துப்போகிறது. உதவி இயக்குநரின் அப்பாவிற்கு அடிபட்டு, அறுவை சிகிக்கைக்காக மருத்துவமனையில் சேர்க்கப்பட்டிருக்கிறார். சில லட்சங்கள் தேவைப்படுகிறது.
ஜூனியர் கல்லூரி படிக்கும் ஒரு பெண். அம்மாவும், அப்பாவும் பிரிந்து அம்மாவுடன் இருந்து, அம்மா இறந்ததும் அப்பாவிடம் வந்து சேர்கிறார். அவளுக்கு படிப்பில் பெரிய ஆர்வம் இல்லை. நடனத்தில் நிறைய ஆர்வம். ஆனால் அப்பா படிப்பதில் மட்டும் கவனம் செலுத்த சொல்கிறார். கல்லூரியில் உடன் படிக்கும் மூன்று பேரின் நட்பு கிடைக்கிறது. அப்பா டார்ச்சரிலிருந்து தப்பிக்க, பெண்ணை கடத்தியதாக திட்டம் போட்டு, நால்வரும் அப்பாவிடமிருந்து சில லட்சங்களை பறிக்கிறார்கள்.
இதற்கு பிறகு என்ன ஆனது என்பதை காமெடி திரில்லராக கலகலப்பாகவும், சுவாரசியமாகவும் சொல்லியிருக்கிறார்கள்.
*****
அப்பாவின் நண்பர் டியூசன் மாஸ்டர். அந்த ஆள் தப்பாக நடந்துகொள்கிறான் என அப்பாவிடம் சொன்னால், ”டியூசனிலிருந்து தப்பிக்க ஏதாவது கதை விடாதே!” என்கிறார் அப்பா. இப்படி வீட்டுச் சூழல் சிக்கலாக இருக்கிறது என வீட்டிலிருந்து தப்பித்தால், உலகம் அவ்வளவு குரூரமாக இருக்கிறது. ”வெளியே பாதுகாப்பில்லை. ஆகையால் வீட்டிலேயே இரு!” என்கிறார்கள் நண்பர்கள். நகை முரண் தான்.
வழக்கமான தெலுங்கு மசாலா படமில்லை. நடிகையாக வருகிற நிவேதாவும், மாணவியாக வரும் நிவேதாவும் நமக்கு பழகிய முகங்கள். படத்தில் வருகிற அனைத்து கதாபாத்திரங்களுமே மனதில் நிற்கிறார்கள்.
பார்க்க கூடிய படம். பாருங்கள்.
Posts
0 பின்னூட்டங்கள்:
Post a Comment