Forensic, Witch, Ready or Not, IP Man 4 - ஒரு பார்வை

  சமீபத்தில் பார்த்த படங்கள் ஒரு பார்வை

Forensic (2020) மலையாளம்

மம்தா போலீசு அதிகாரியாகவும், தடய அறிவியல் நிபுணராக டேவினோ தாமஸ் நடித்தப்படம். பெண் குழந்தைகள் கடத்தி கொலை செய்யப்படுகின்றனர். யார் கொலைகாரன் என்பதை துப்பறிந்து கண்டறிகிறார்கள். இறுதிக்காட்சிகள் கொஞ்சம் குழப்பமாய் இருந்தது அல்லது லாஜிக் இல்லாமல் இருந்தது.
மலையாள படங்கள் நேராக செல்லாமல், கொஞ்சம் வளைந்து, நெளிந்து செல்வது போலவே இந்த படமும் இருக்கிறது. திரில்லர் படங்கள் பார்ப்பவர்கள் பார்க்கலாம்.

Witch (2018) தென்கொரியா

சிறுவர் சிறுமிகளை வைத்து ஆய்வு செய்கிறார்கள். அங்கிருந்து ஒரு சிறுமி தப்புகிறாள். ஒரு குடும்பத்தில் வளர்ந்து பெரியவளானதும், சில அறிகுறிகளால், வில்லன் கும்பலுக்கு தெரியவர, பிறகு என்ன ஆகிறது என்பதை ரத்த களறியாக சொல்லியிருக்கிறார்கள்.

அமெரிக்க X Men சீரிஸ் படங்களைப் போல, கொரியாவிலும் முயற்சி செய்திருக்கிறார்கள். இது முதல்படம். இனிமேல் வரிசையாக வரும். முதல்படம் அதற்குரிய குறைவான ரத்தக்களறியுடன் இருக்கிறது. அடுத்தடுத்தப் படங்களை நினைத்தால் கொஞ்சம் பயமாகத்தான் இருக்கிறது. இந்த பாகம் எனக்கு பிடித்திருந்தது.

Ready or Not (2019)

அந்த பணக்கார குடும்பத்தில் நாயகனுக்கு திருமணம் ஆகிறது. அந்த குடும்பத்தின் பாரம்பரியத்தின்படி, திருமணமான இரவு ஒரு விளையாட்டு விளையாடியே ஆகவேண்டும். அந்த பெரிய வீட்டில், புதிதாய் வந்த மணப்பெண் ஒளிந்துகொள்ளவேண்டும். சும்மா ஒரு விளையாட்டு தானே என ஒத்துக்கொள்கிறாள். ஆனால், குடும்ப உறுப்பினர்கள் ஆளாளுக்கு ஒரு கொலை கருவியோடு கொல்ல விரட்டுகிறார்கள். பிறகு சைக்கோ குடும்பத்துடன் சிக்கிவிட்டோம் என உயிர்ந்து உயிரை கையில் பிடித்துக்கொண்டு ஓடுகிறாள். இறுதியில் என்ன ஆனது என்பதை பரபரவென சொல்லியிருக்கிறார்கள். நார்மலான படம். விறுவிறுவென படம் பார்ப்பவர்களுக்கு பிடிக்கும்.

IP Man (2019) The Finale

IP Man சீன குங்குபூ தற்காப்பு கலை ஒன்றில் தேர்ந்த புகழ்பெற்ற ஆசிரியர். அவர். 1937ல் சீனாவில் துவங்கிய முதல் பாகம். நாலாவது பாகத்தில் 1964ல் கதை நடக்கிறது. அவருடைய துணைவியார் இறந்துவிடுகிறார். அவருக்கு தொண்டையில் கேன்சர் வந்துவிடுகிறது. அவருடைய பையனை அமெரிக்கா போய், அங்குள்ள பள்ளியில் சேர்க்க முயல்கிறார். அதற்கான ஏற்பாடுகளை செய்யும் பொழுதே, உள்ளூரில் சீனர்கள் சில சிக்கல்களை எதிர்கொள்கின்றனர். அவர்களுடன் எப்படி எதிர்கொண்டார் என்பதை மீதிக்கதையில் சொல்கிறார்கள்.

உண்மைக்கதை என்பதால், அதற்குரிய இயல்புகளுடன் இருக்கிறது. திரைக்கென்று சில மாற்றங்கள் செய்திருப்பார்கள் என்றே நினைக்கிறேன். அவருடைய சீடர்களில் ஒருவரான ப்ரூஸ்லீயும் ஒரு பாத்திரமாக வருகிறார். அவரைப் போலவே ஒருவரை தேர்ந்தெடுத்திருக்கிறார்கள். மாஸ்டர் இறுதியில் இறந்துவிடுவதால், இனி இந்த பாகம் தொடராது. பெரிய எதிர்பார்ப்பு இல்லாமல் பாருங்கள். எனக்கு பிடித்தது போலவே, உங்களுக்கும் பிடிக்கும்.