Lonely Hearts (2006)

விவாகரத்து பெற்று, கணவனை இழந்து முரட்டு சொத்துக்களோடு வாழும் பெண்கள் மர்மமான முறையில் தற்கொலை செய்துகொள்கிறார்கள். தடயம் எதுவும் கிடைக்காததால், தற்கொலைகள் என்றே போலீசும் நினைக்கிறது. சற்றும் மனம் தளராத விக்கிரமனைப் போல, ஒரு விசாரணை அதிகாரி தொடர்ந்து துப்பறிகிறார்.

ஒரு இளைஞனும், ஒரு பெண்ணும் இந்த தொடர் கொலைகளை செய்கிறார்கள் என்பதை கண்டுபிடிக்கிறார். அந்த கொலைகார ஜோடியோ சிக்காமல் இடம்மாறிக்கொண்டே இருக்கிறார்கள். பிடித்தார்களா என்பதை வெண் திரையில் பாருங்கள். :)

கதை 1940களில் நடக்கிறது. உண்மை சம்பவங்களின் அடிப்படையில் கதை என்கிறார்கள். மனித மனங்களையும், உறவுகளையும் எவ்வளவு சிக்கலாக்கி வைத்திருக்கிறோம் என்பதை சொல்லி செல்கிறார்கள். எல்லோருமே சிறப்பாக செய்திருக்கிறார்கள்.