> குருத்து: Identity (2003)

October 1, 2020

Identity (2003)


Identity (2003)

American psychological slasher film


கதை. கடும் மழை. அந்த நெடுஞ்சாலையில் திடீரென ஆறுபோல குறுக்காலே ஓடி, போகவிடாமல் செய்கிறது. அந்த திசையில் காரில் போனவர்கள் எல்லாம் பக்கத்தில் தனித்து இருக்கும் மோட்டலுக்கு வந்து சேர்கிறார்கள்.


ஒரு நடிகை, அவருடைய கார் டிரைவர், அம்மா, அப்பா, ஒரு பையன் என ஒரு குடும்பம், அன்றைக்கு கல்யாணம் செய்த ஒரு இளம் ஜோடி, தனியாக ஒரு பெண், ஒரு கைதி, அந்த கைதியை ஒப்படைக்க செல்லும் ஒரு அதிகாரி என பத்துபேர் வந்துசேர்கிறார்கள்.


முதலில் நடிகை மர்மமான முறையில் கொலை செய்யப்படுகிறார். அவரிடம் வேறு ஒரு அறையினுடைய சாவி இருக்கிறது. அந்த கைதியை வந்து தேடுகிறார்கள். அவரை பூட்டி வைத்த அறையில் காணவில்லை. அடுத்தடுத்து கொலை செய்யப்படுகிறார்கள். பிறகு அந்த கைதியே கொலை செய்யப்படுகிறார்.


இந்த கொலைகள் ஏன் நடக்கின்றன? யார் செய்தது? என்பதை பரபரவென சொல்லியிருக்கிறார்கள்.


****


அடுத்து என்ன? அடுத்து என்ன? என்பதை சரியாக கொண்டு சென்றிருக்கிறார்கள். 'அந்நியன்' நாயகன் போல கதையின் நாயகனுக்கு மனநிலையில் பிரச்சனை இருக்கிறது. இதற்கும், மோட்டலில் நடக்கும் கொலைகளுக்கும் என்ன சம்பந்தம் என்பதை சொல்கிறார்கள்.


இந்த மாதிரி சைக்காலஜிக்கல் படங்களில் இறுதி காட்சிகளில் குழப்பவது போலவே இந்த படத்திலும் குழப்பியிருக்கிறார்கள். படம் பார்த்தவர்கள் குழம்பி போய் புலம்புவதை ஆங்காங்கு பார்த்தேன். விமர்சனம் எழுதுகிறவர்கள் ஸ்பாய்லராகிவிடும் என்பதால், அதை எழுதுவதை தவிர்க்கிறார்கள். ஆனால், முடிவை விளக்குவதற்கென்று யூடியூப்பில் ஆட்கள் இருக்கிறார்கள். அவர்களின் உதவியை நாடலாம்.


மனித மனம் எவ்வளவு சிக்கலாக இருக்கிறது. சமூகம் இங்கு கோளாறுகள் இல்லாமல் சரியாக இயங்கினால் தான் தனி மனிதர்களும் நன்றாக வாழமுடியும் என்பதை உணரமுடிகிறது.


படம் நல்ல வெற்றியை பெற்றிருக்கிறது. பாருங்கள்

0 பின்னூட்டங்கள்: