நிலா

நானும் என் பொண்ணும் பைக்கில் போய்க்கொண்டிருந்தோம்.

"நிலா ஏன் நம்ம கூடவே வருது?" என்றாள்.

"நீ சின்ன பொண்ணா இருக்கும் பொழுது... இதே கேள்விய கேட்ப!

யாரையாவது நிலாவிற்கு பிடிச்சுப் போச்சுன்னா பின்னாடியே வரும்னு சொல்வேன். உடனே ரெம்ப சந்தோசமா 'என் பின்னாடியே வருதுப்பா!' என சொல்வாய். 'அப்ப உன்னை நிலாவிற்கு பிடிச்சுப்போச்சு' என்பேன். ரெம்பவும் பூரித்துப்போவாய்."

இதைக் கேட்டு சின்னதாய் புன்னகைத்துவிட்டு... மீண்டும் அதே கேள்வியை கேட்டாள்.

"நிலா ஏன் நம்ம கூடவே வருது?"

"தெளிவா தெரியல! நான் கொஞ்சம் படிச்சுட்டு சொல்லவா!" என்றேன்.

"சரி" என்றாள்.

:)

யாருக்காவது பதில் தெரியும்? தெரிஞ்சா கொஞ்சம் சொல்லுங்க! நான் விஞ்ஞானத்தில் கொஞ்சம் வீக்!