Shazam (2019)

கதை. மந்திர உலகத்தின் கடைசி மந்திரவாதி மனிதனை ஆட்டுவிக்கும் ஏழு தீய சக்திகளை கட்டுப்படுத்தி வைத்திருக்கிறார். வயசாயிருச்சு என்பதால் ஒரு நல்ல ஆளை கண்டுபிடித்து ஒப்படைத்துவிட்டு ஓய்வு பெற்றுவிடலாம்னு என காத்துக்கொண்டிருக்கிறார்.

வில்லன் மந்திரவாதியிடமிருந்து தீய சக்திகளை விடுவித்து தன்வசப்படுத்திவிடுகிறான். அம்மாவை சிறுவயதில் பிரிந்து, தத்தெடுத்தவர் வீட்டில் வாழும் 16 வயது பையன். தன் அம்மாவை தேடிக்கொண்டே இருக்கிறான்.

மந்திரவாதி இப்பொழுது உள்ள நெருக்கடியால், அவசர அவசரமாய் அந்த பையனிடம் ஒப்படைத்துவிட்டு, மந்திரவாதி இறந்தும்விடுகிறார்.

அந்த நிமிடத்தில் இருந்து கலகலப்பாகிவிடுகிறது. 'Shazam' என்றால், சிறுவன் முப்பது வயது இளைஞனாகிவிடுகிறான். மீண்டும் சொன்னால் சிறுவனாகிவிடுகிறான். இலக்கு இல்லாமல் தன் சக்திகளை பயன்படுத்தி வருகிறான்.

வில்லன் சிறுவனைப் பிடித்து அந்த சக்திகளையும் கைப்பற்ற நினைக்கிறான். என்ன ஆனது என்பது முழுநீளக்கதை!

****

தீய சக்திக்கு எதிரான நல்ல சக்தி போராடுவது தான் கதை.
நல்லவன், தீயவன் என்பது மிகவும் தட்டையானது. நல்ல அம்சங்கள் மேலோங்கி இருந்தால் நல்லவன். தீய அம்சங்கள் மேலோங்கியிருந்தால் கெட்டவன். அதனால் தான் யாரும் முழுக்க நல்லவனும் இல்லை. யாரும் முழுக்க கெட்டவனும் இல்லை என்பார்கள்.

DC குழுமத்தின் சமீபத்தில் கொஞ்சம் ஓடிய படம் இது என்கிறார்கள்.
இளைஞனுக்குள் இருக்கும் சின்ன பையன் நடவடிக்கைகள் என்பது கலகலப்பானவை.

காலாண்டு விடுமுறையில் என் பெண்ணுடன் பார்த்தப்படம்.
குழந்தைகளுக்கான படம். குழந்தை மனம் கொண்டவர்களும் பார்க்கலாம். 🙂