அறிவிக்கின்ற கோவிட் சோதனை முடிவுகள் என்பது மூழ்கி இருக்கும் பனிப்பாறையின் ஒரு முனை மட்டுமே!

”அறிவிக்கின்ற கோவிட் சோதனை முடிவுகள் என்பது மூழ்கி இருக்கும் பனிப்பாறையின் ஒரு முனை மட்டுமே! மாநிலத்திற்கென்று சுகாதார துறை அமைச்சர் உடனே நியமிக்கப்படவேண்டும்”

- திரிபுரா பா.ஜனதா எம்.எல்.ஏ சுதீப் ராய் பர்மன்

மக்களிடையே பரந்துபட்ட அளவில் கோவிட் சோதனைகள் செய்யப்படவேண்டியது மிக அவசியம். தடுப்பூசி உரிய நேரத்தில் மக்களுக்கு பரவலாக போடப்படவேண்டும். உள்ளூர் ரயில் இன்னும் ஓடிக்கொண்டிருக்கிறது. அதில் பரவலை தடுப்பதற்கான எந்த வசதியும் செய்யப்படவில்லை. ஆகையால், உள்ளூர் ரயில் பயணத்தை உடனே ரத்து செய்யவேண்டும்.

கொரானா நோயாளிக்கு ஒரு நாளைக்கு உணவுக்கென ரூ. 380 ஒதுக்கப்படுகிறது. என்ன உணவு சாப்பிடுவது என வழிகாட்ட உணவு நிபுணர் இல்லை. உணவின் தரம் மிக மோசமானதாக இருக்கிறது. இதை எல்லாம் யாரும் அரசு தரப்பில் கண்காணிக்கப்படுவதும் இல்லை.

மாநிலத்தின் முக்கிய மருத்துவமனையான GB PANT மருத்துவமனை நரகத்திற்கான கதவு போல இருக்கிறது. உள்ளே நோயாளி போனதும் வெளியே போவோமா என சந்தேகம் வந்துவிடுகிறது.

இவ்வளவு சிக்கலான சூழலில் முதல்வரே சுகாதார துறையை கையில் வைத்திருக்கிறார். அவருக்கு இருக்கும் வேலை நெருக்கடியில் சுகாதார துறையை எப்படி முழுமையாக கவனிக்கமுடியும்? ஆகையால், சுகாதார துறைக்கு என ஒரு அமைச்சரை உடனே நியமிக்கவேண்டும்.

இதை சொல்பவர் எதிர்க்கட்சி எம்.எல்.ஏ இல்லை. திரிபுராவில் ஆளும் பா.ஜனதா கட்சியில் எம்.எல்.ஏ சுதீப் ராய் பர்மன் தான் சொல்கிறார். பா.ஜனதா ஆளும் மத்திய அரசு எப்படியோ, அதன் வழியில் பா.ஜனதா மாநில அரசுகளும் எல்லா கோளாறுகளுடனும் மக்கள் உயிரில் விளையாடிக்கொண்டிருக்கிறார்கள். விளைவு மக்கள் கொத்தாய் கொத்தாய் செத்துக்கொண்டிருக்கிறர்கள். எரிப்பதற்கு கூட பல மணி நேரம் வரிசையில் நிற்கிறார்கள்.

சுதீப் ஐந்துமுறை எம்.எல்.ஏயாக தேர்ந்தெடுக்கப்பட்டவர். முன்னாள் எதிர்கட்சி தலைவரும் கூட! ஜூன் இவர் முன்னள் திரிபுரா முதல்வர் சமர் ரஞ்சனின் மகன். 2016ல் காங்கிரசை விட்டு திரிணமூல் காங்கிரசில் சேர்ந்தார். ஒரு வருடம் கழித்து அவரும், இன்னும் ஐந்து திரிணமூல் கட்சி எம்.எல்.ஏக்களும் பா.ஜனதாவில் இணைந்தனர்.

- Wire ல் 25/05/2021 அன்று வந்த கட்டுரையில் இருந்து....

https://thewire.in/politics/tripura-bjp-sudip-roy-barman-biplab-deb-covid-19-gb-pant-hospital